ZAKHARIA 7:14 - Alkitab Singog In Mongondow Masa In Tanaa

¹⁴ Naonda bo deḷang, Akuoi in nongaitdon kon i monia dá pakisadon in mosia nogutun kon butá mita in intau. Butá inta mopia tanaa ain nobaḻí noingongow diádon in mogogutun bo noḷogatdon.”

ZAKHARIA 7:14 ပူးပေါင်းရင်းမြစ်များ

TAWARIKH 2 36:21

Dá nobaḻídon onu inta ain pinoguman i Tuhan pinongin i Yeremia kon butá tatua in mobaḻídon diá in mangaḻenea kon bonu in 70 notaong in koonggotnea nobaḻí toḻiu in taong mita in Sabat inta diá pinandungmai.

MAZMUR 58:9

Biódon mako in mosia naonda bo kií inta ḷumoḷayat mobaḻí muntong, naonda bo adí mointok inta minatoi kon tungkuḷ in diápa nokoontong kon nobayag.

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

YESAYA 21:1

Naa in koyow kon Babel: Ná uḷu in tompot motoninsing moitaḻib kon padang gurun, natuata in koangoi in bodito nongkon butá inta motoyang.

YESAYA 60:15

Iko in diá bidon taḷaan bo indoíon, bo diábí pomayá mako in mobaḻí moingongow. Iko in baḻíon-Ku mokosanang kon i-Nakó inta mononoi, tampat mokopoḷunganga modapot in kopaḷutannea.

YESAYA 66:15

Totuu, ki Tuhan in mamangoibí takin tuḷú; Sia in tumakoibí kon kereta-Nea ná deḷang, sin mopobayá in torú-Nea, bo mongguak moropot.

YEREMIA 12:10

Nobayong in mongongawasa ango-angoi in nomoguyaatdon kon gobá in anggur-Ku bo noruntai kon gobá-Ku mita. Ḻipú-Ku inta mogaga binaḻí monia padang gurun inta moingongow.

YEREMIA 23:19

Torú i Tuhan in nádon deḷang inta nondangat bo nonubu kon intau mita inta moraat.

YEREMIA 30:23

Torú i Tuhan nádon deḷang, nádon tompot moropot inta nondangat kon intau mita moraat, bo diádon mooyong kon dodai in diápa mobaḻí in bayongan tomayá-Nea. Kon singgai moiduduimai umat-Nea in monotaaudon kon tua.

YEREMIA 36:19

“Iko bo ki Yeremia in musti mogadop. Dika modapot in kotaauan in intau in pinogadopanmu tua,” guman monia.

YEREMIA 44:6

Tuamai in pinopobutak-Kudon in torú bo rogi-Ku kon kotá mita in Yohuda bo kon daḷan mita kon Yerusalem. Nodait-Ku sinurub nodapot in dongkadon apugnea bo noḷogat naonda inta inontong monimu tanaa mako.

YEREMIA 5:15

Ei umat in Israel, ki Tuhan in tayo-tayowdon in mopoangoi in bangusa tobatú nongkon ḻipú moyayú sin monubu kon i monimu. Bangusa tatua in oyúondon nongkon dungkuḷpabímai, singognea in diábí komangaḻean monimu. Mosia in moropot totok,

YEHEZKIEL 12:19

Potaaudon kon bayongan in bangusa onu inta poguman-Ku, ki Tuhan Inta Totok in moḷantud kon intau in Yerusalem inta nogutunpa kon butá monia. Mosia in mogugurbí kon dodai in mongaan bo mourot in ondok kon tungkuḷ in monginum. Butá monia in mobaḻíbí moḷogat, sin bayongan in intau inta mogutun kon tua tantú ḻimimpat kon hukum.

YEHEZKIEL 22:15

Porariton-Kubí in intaumu mita kon sinangkub in butá bo bangusa, bo popogogaion-Kubí in aidmu inta moraat tua.

YEHEZKIEL 5:10

Guyanga in mokaandon kon i adínea tontaní bo adí in mokaandon kon guyanganea. Natuata in pohohukum-Ku kon i monia, bo inta mobiagpa in porariton-Ku kon bayongan in tampat.

DANIEL 8:9

Nongkon tungoi tobatú nomukádon in tungoi nointok, inta nobaḻí totok in noḷoben bo kawasanea iḷumoben nopobayá ná toḷatan, ná pomukaan bo nopobayá ná butá inta nopia.

HOSEA 9:17

Ki Allah inta inundoiku tua in mondoídon kon umat-Nea, popisí in mosia doídon mokidongog kon i-Nia. Mosia in maya-mayá mako kon sigad in bangusa mita.

YOËL 2:3

Naonda bo tuḷú inta momagong bo mokopokak yompaton monia in bayongan pinomuḷa. Kon dungkuḷ, butá tatua in naonda bo Eden, taman i Tuhan, noiduduimai kon tua, naondadon bo rawang in bungaion inta noingkag. Diádon onu bo onu in ki agatnea, diá in diá sinubu monia.

IMAMAT 26:22

Popoangoi-Ku kon yua-yuak monimu in mahaḷuk mita moraat. Mahaḷuk mita tatua modomok kon i adí mita monimu, momatoi kon biagmu bo mokaan kon i monimu komintan, dá moiko in moyakagdon totok, bo daḷan mita kon butá monimu moingongowdon totok.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

AMOS 1:14

Tuamai, potabá-Kubí in tuḷú kon dinding mita in kotá in Raba, bo momokak komintan kon bentengnea mita. Kon tungkuḷ intua kodongogandon in dowawá in parang, bo parang tumagabdon naonda bo deḷang.

NAHUM 1:3

Totuu kon ki Tuhan, in diábí ḷagi tumorú; táe Sia in totokbí doman in mokawasa dá ki ine in mogaid kon moitaḷá diábí poḷuaton-Nea kon hukuman. Kon onda in bayáan i Tuhan, kon tua in momuká in deḷang; kon pinomuntukan in sioḷ-Nea, kon tua in ḷobud mobaḻí goḷom.

HABAKUK 3:14

Piot-Mu mita noiḷambai kon itoi in tontara in musung kon tungkuḷ in tontaranea namangoi ná koropot in deḷang, sinbá kami in porariton. Mosia in kinumosing takin ḷunganga in gina naonda bo intau inta umado-adop mondorot kon intau inta bogá.

ZEPANYA 3:6

Ki Tuhan in noguman, “Akuoi in noyompatdon kon nobayong i bangusa; kotá mita monia in irimumud-Ku, bo dinding mita takin ḷangkeang mita monia binaḻí-Ku apug mita. Kotá mita monia noingongow diá in nogutun bo daḷannea in nodingungui.

ZAKHARIA 2:6

Ki Tuhan in noguman kon umat-Nea, “Akuoi in noporaritdon magí-mako kon i monimu kon bayongan in tampat. Táe tanaa intau mita inta sinokoḷumbú in poḷaguidon nongkon Babel bo pobuidon mangoi kon Yerusalem.

ZAKHARIA 8:1

Ki Tuhan Inta Totok in mokawasa in nobogoi in koyow tanaa kon inakó,

ZAKHARIA 9:14

Ki Tuhan in mokipogontongbí kon umat-Nea, naonda bo kilat in piot-Nea mita pinoḷutam-Nea. Ki Tuhan Inta Totok in moḷantud in mogirupbí kon torompet tomponuot monubu bo mayá kon bonu in deḷang nongkon toḷatan.

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.

ULANGAN 28:49

Bangusa tobatú inta diá komangaḻean monimu in tosingogon monia popoangoi i Tuhan nongkon toḷosimai sin moḷawang kon i monimu. Ná ḷagapan boniá in mosia monampí kon i monimu.

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.