ZAKHARIA 6:14 - Alkitab Singog In Mongondow Masa In Tanaa

¹⁴ Mahkota tatua in tagúon kon Baḷoi-Ku sin monorop kon i Heldai, kon i Tobia, kon i Yedaya, bo kon i Yosia.

ZAKHARIA 6:14 ပူးပေါင်းရင်းမြစ်များ

DATU MITA 2 25:18

Koḻikud intua, ki Nebuzaradan in nodomok doman kon i Imang Moḷoben ki Seraya, ki Zepanya imang mototongod kon oaidan, moḷoḷukad kon ngara in Baḷoi Tuhan taya toḷu, monononggina i datu taya ḻima inta kon kotápa, tongguḷu totok in tontara, toḻindua in tongguḷu totok in tontara inta monoinutmai kon administrasi in tontara, bo intau moḷoben 60 ibanea.

IḶUAIAN 12:14

Singgai tatua musti toropon monimu mobaḻí singgai moḷoben kon i Tuhan. Bo singgai tatua musti umuran toropon monimu poḷat baḻíon monimu singgai moḷoben muḷoi in taong.”

IḶUAIAN 28:29

Kon dodai in ki Harun tumuot kon tampat motusi, musti diaannea in tangoi in suku mita Israel inta pinopokurig kon oḻingoi in dodobnea, sinbá Akuoi, ki Tuhan, umuran mokotorop kon umat-Ku.

ZAKHARIA 6:10

Kai-Nia, “Gamádon in sosumba inta inogoi i Heldai, i Tobia bo i Yedaya, intau mita inta bagu nobui nongkon pinoḷumbúan kon Babel. Ḷagidon dia in sosumba monia tatua kon baḷoi i Yosia ki adí i Zepanya.

ZAKHARIA 6:11

Nongkon buḷawan bo saḷaka inta inogoi monia tatua, pomiaaidon in mahkota tobatú bo popoḷutud kon uḷu i Imang Moḷoben ki Yosua ki adí i Yozadak.

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

PINOGIAPAN 31:54

Dá ki Musa bo ki Imang Eleazar nodia kon buḷawan tatua kon Ḷoḷaigan i Tuhan sinbá ki Tuhan umuran moḷukad kon bangusa Israel.

MATIUS 26:13

Poguman-Ku kon i monimu! Kon ondakabí in popotaauan in Habar Mopia tanaa, yo onu inta inaidan in bobay tanaa kotangoianbí doman sinbá kotoropan in sia.”

MARKUS 14:9

Pirisayadon singog-Ku! Kon dunia naa, kon ondakabí in popohabaran in Habar Mopia nongkon i Allah, yo aid in bobay tanaa in umuranbí domandon oumanon sin monorop kon inia.”

OUMAN IN RASUL MITA 10:4

Dá takin ondok, nobobui in sia kon malaekat tatua bo noḻibó, “Nongonu Tuang?” Dá malaekat tatua in noguman, “Bayongan inta pinoigummu kon sambayang bo oaidmu inta mopia kon intau mita bogá, aindon noiyaput kon i Allah bo iko in umuran kon bonu in gina-Nea.

YOSUA 4:7

dá moiko in musti moguman kon i monia kon tubig in Ongkag in Yordan nobontow kon dodai in Poti Dodandian i Tuhan dinia iḷumoḷan kon ongkag tatua. Batu mita tatua umuran moponorop kon bangusa Israel kon onu inta nobaḻí kon naa.”

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.