ZAKHARIA 14:9 - Alkitab Singog In Mongondow Masa In Tanaa

⁹ Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

ZAKHARIA 14:9 ပူးပေါင်းရင်းမြစ်များ

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

MAZMUR 67:4

Igumon mako bangusa mita in modayow kon ini-Mu, o Allah, igumon mako bayongan in bangusa mopoyaput in sukur kon ini-Mu.

MAZMUR 72:17

Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

MAZMUR 97:1

Ki Tuhan in Datu! Biódon mako in butá mokoposanang, bo ḻibuton mita in moḷunganga.

YESAYA 45:21

Pongadu in pelekaramu, poontong in buktinea mita, oo, biódon mako in mosia moyopakat moyotakin. Ki ine in nopotaau intua bo nopotaau intua nongkon dungkuḷmai? Akuoibí naa, ki Tuhan? Diábí in ilah koḻikudbí in Akuoi. Akuoibí in Allah inta moadil bo Mopoposaḷamat, diábí in ibanea mako koḻikudbí in Akuoi!

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

DANIEL 7:27

Kawasa bo koḷoḷoben in bayongan in dodatuan kon dunia in ogoi kon umat i Allah Inta Totok in moḷantud. Kawasa monia momarenta in diábí in imbuitnea bo bayongan in mongongawasa kon dunia naa in mobantungbí kon i monia takin toindudui.”

AMOS 9:12

Intau in Israel in mongawasabí kon butá in Edom inta oyúonpa takin bayongan in bangusa inta dungkuḷmai kapunyaan-Ku. Akuoi ki Tuhan, ain nosingog bo Akuoi in mopobayábí intua.”

OBAJA 1:21

Intau in Yerusalem inta nountung in monubu kon Edom poḷat mopotungkud. Dá Akuoi ki Tuhan in momarenta mobaḻí datu.”

MIKHA 5:4

bo Sia in mobogoi in kobiagan modame. Aka tontara in Asyur monubu kon butá naton bo mondangat kon poḷoḷukadan naton, yo itoi mita naton inta moropot totok in potabádon momarang kon i monia. Itoi mita naton tatua in monaḷowdon kon Asyur podoyon kon ropot in pakakat in parang, bo moposaḷamat kon i naton nongkon kawasa monia.

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.

ZEPANYA 3:9

Táe onda intua baḷuian-Ku in gina in bangusa mita tatua, dá mosia in dongkadon mosambayang kon i-Nakó, bo diá bidon kon ilah mita ibanea. Bangusa mita tatua in komintanbí dumudui kon i-Nakó.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

MATIUS 28:19

Tuamai, bayádon, bo baḻídon in bayongan intau dumodudui-Ku, bo baptisdon in mosia podoyon kon tangoi i Amá, Adí, bo in Roho i Allah.

ULANGAN 6:4

Utat mita, toropdon! Tongábí ki Tuhan, bo tongábí ki Tuhan tontaní in Allah naton!

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

SAMUEL 1 2:10

Musung mita i Tuhan in morimumud motontopong, mosia in moondok; nongkon ḷangit in Sia monggotup. Ki Tuhan in mohakim kon bayongan in dunia naa, bo mobogoi in kawasa inta momulia kon i datu inta piniḻí-Nea.”