ZAKHARIA 14:20 - Alkitab Singog In Mongondow Masa In Tanaa

²⁰ Kon singgai tatua lonceng mita kon ḷambung in kabaḷo in kurigondon in tosingogon mita “Sinondídon kon i Tuhan” Pansi mita kon Baḷoi i Tuhan in horomaton naonda bo palo mita in sosumba kon tayowon in mezbah.

ZAKHARIA 14:20 ပူးပေါင်းရင်းမြစ်များ

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

IḶUAIAN 25:29

Pomia kon pindan mita, galas, kendi bo palo mita sin pobonuan kon anggur inta posumba. Bayongan pakakat in meja tatua musti pomiaan komintan nongkon buḷawan taakan.

IḶUAIAN 37:16

Sia in nomia doman kon pindan mita, palo mita, kendi mita bo mangko mita sin pobonuan kon anggur inta poposumba. Bayongan touḷut in meja tatua pinomianea nongkon buḷawan taakan.

IḶUAIAN 39:30

Pinomiaan doman kon ḷambá nongkon buḷawan totokea, nobaḻí tomponuot kon mosia aindon sinondí sin mogundoi kon i Tuhan. Kon ḷambá tatua inukirdon in tosingogon tanaa “Sinondí mogundoi kon i Tuhan”

YESAYA 23:18

Kauntungan bo boḻi in pinogaidan inta nouḻínea in diábí tagúonnea, táe posumbaneabí kon i Tuhan. Intau mita inta nosumba kon i Tuhan in mopomakébí in doit tatua sin potaḷui kon kaanon bo pakéon kon inta paraḷu monia.

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

YEREMIA 31:40

Sinangkub in ḷopá tatua, inta pinaké saḷaku poḷoḷobongan bo tampat poḷoḷumbúan kon apat, bo bayongan in gobá tudunea kon bingkí in Ongkag in Kidron modapot kon Bonawang in Kabaḷo mopobayá ná pomukaan, in pinotondídon kon i-Nakó. Kotá in Yerusalem in diábí rumbunon bui andeka rimumudon.”

YEHEZKIEL 45:1

Kon tungkuḷ in butá tatua diápa silaion mobaḻí butá budel kon batúan in suku, yo mustibí tontaníon in tongosilai kon i Tuhan. Butá tatua in kobanatnea in musti mopuḷú bodoyowá noribu bo ḻima nogatut nometer, bo kooḷadnea in mopuḷú noribu nometer. Komintan butá tatua in sinantú motusi.

IMAMAT 6:28

Kuyon butá inta pinaké pinotuonan kon ponoyá inta pokuruban tatua musti ḷosion. Aka kuyon uatoi in pinaké, dá kuyon tatua musti radatan bodongka daritan in tubig.

IMAMAT 8:9

Bo pinopobogotneadon kon uḷu i Harun in bogot in uḷu, bo pinopotomot domandon kon bogot in uḷu tatua in ḷambá buḷawan, inta nobaḻí tanda kon ki Harun ain nobaḻí kapunyaan i Tuhan. Tua mita inaidan i Musa podudui in parenta i Tuhan kon inia.

OBAJA 1:17

“Táe kon Buḷud in Sion, oyúonbí in mosaḷamat, bo buḷud tatua in mobaḻíbí tampat inta tondíon kon i-Nakó. Dá buí i Yakub in buidon mokadai kon butá budel monia.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

ZAKHARIA 14:19

Tuata in hukuman kon Mesir bo kon bayongan in bangusa inta doí morame kon Singgai moḷoben Ḷuḷung Daun.

ZAKHARIA 8:3

Akuoi in mobui mangoi kon Yerusalem, kotá-Ku inta motusi tatua, bo mogutun kon tua. Yerusalem in kotaauandon saḷaku kotá inta motoindudui, bo tombuḷud i Tuhan Inta Totok in mokawasa in tangoionbí tombuḷud inta Motusi.

ZAKHARIA 9:15

Umat-Nea in notantú bidon kon ḷukadan-Nea, dá bayongan in musung modait taḷowon monia. Naonda bo kokow in intau inta noḷoḷangu in oinumon, natuata in kokow monia kon in parang. Naonda bo dugú in kuruban inta pinoburé kon tudu in mezbah, natuata in dugú in musung moibutak.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

PINOGIAPAN 4:14

Bo kon tudunea tatua in musti pogukatan monia kon bayongan pakakat inta pakéon kon poibadaan kon mezbah tatua: tampat in tuḷú, porok, leper bo baskom. Bo bayongan tua musti koḷoban monia in kuḻit moaḷus tobatú bo popoḷutudan in kayu tombuḻigannea.

PINOGIAPAN 4:7

Mosia in musti mopoaip in kaeng nobidu tobatú kon meja pogogukatan kon roti inta oḷudon kon i Tuhan, bo kon tudu in meja tatua musti ukatan doman monia in pindan moḷoben, baki tampat in dupa, baki tampat in sosumba, bo kendi inta pobonuan kon tubig in anggur inta posumba. Roti oḷudon musti umuran oyúon kon meja tatua.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

OUMAN IN RASUL MITA 10:15

Táe bui oyúon in singog in dinongog noguman, “Onu inta aindon sinantú i Allah motaau kaanon, dikabí anggapon monimu haram intua.”

OUMAN IN RASUL MITA 10:28

Bo sia in noguman kon i monia, “Utat mita, kinotaauan bidon monimu kon ilarangbí in agama Yahudi in mamangoi mokipodungkuḷ andeka moyobayat in intau mita ibanea. Táe aindon pinoguman i Allah kon inakó kon diábí in motaau monganggap kon ibanea tua in najis andeka haram.

OUMAN IN RASUL MITA 11:9

Táe buiku dinongog in singog nongkon ḷangit tatua in noguman, ‘Onu inta kai Allah motaau kaanon, yo donaaibí kai monimu in haram.’

OUMAN IN RASUL MITA 15:9

Ki Allah tua in diábí mopoyo-poyoposi kon intau. Dinaritan-Nea in gina monia sin mopirisaya in mosia.

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

WAHYU 1:6

bo baḻíon-Nea tobatú bangusa in imang mita in kita, inta mogaid kon oaidan i Allah, ki Amá-Nea. Ki Yesus Kristus tuata inta momulia bo inta mongawasa modapot in kopaḷutannea. Amin!

WAHYU 20:6

Kosanangdon totok in intau mita inta noitakin biniag bui dungkuḷ tua. Mosia tua in patusbí mobaḻí kapunyaan i Allah. Sin popatoi induanea in diá bidon mongawasa kon i monia. Mosia tua in mobaḻí imang mita i Allah bo i Kristus, bo mosia in momarenta moyotakin i Kristus toribu notaong in koonggotnea.

WAHYU 5:10

Binaḻí-Mudon in mosia tobatú dodatuan inta nobaḻí imang mita, sinbá mosia in mogaid kon oaidan i Allah naton, bo momarenta kon dunia naa.”

SAMUEL 1 2:14

porok tatua popoturak monia kon bonu in kuyon inta pinodungúan kon ponoyá tatua, bo onukabí in kinoturakan in porok tatua nobaḻídon kapunyaan in imang. Bayongan intau in Israel inta namangoi nongkon Silo sin moposumba in kuruban, komintan pomiaan monia natua.