ZAKHARIA 11:17 - Alkitab Singog In Mongondow Masa In Tanaa

¹⁷ Kinutukdon totok in gombala inta diá baraguna tatua! Sia in nonaḷámaidon kon paanan in dombanea. Parang in mogimpaḷut kon kawasanea. Kokaḷnea in moḻemédon bo mata koḷanannea in mobilogdon.”

ZAKHARIA 11:17 ပူးပေါင်းရင်းမြစ်များ

DATU MITA IMITÁNEA 13:4

Kon dodai in kinodongogan i Yerobeam in tosingogon mita tatua, sinundúnea in nabi tatua bo nomaḷú, “Domok in intau tatua!” Táe kokaḷ i Yerobeam daḻídon notorondó dá diádon motaaunea okúon.

YESAYA 29:10

Binaḻí i Tuhan in moiko sinomposiug bo noḷoḷot totok. Binilogan-Nea in mata in nabi mita bo nongoḷob kon pogot in intau mita mononanow.

YESAYA 44:10

Diábí in baragunanea in mogaid kon patong pinomia inta iḷoḷang bo sinumba nobaḻí dewa!

YESAYA 9:15

Itoi mita in bangusa tatua ain nopoḷaḻe bo nopodoḻiok kon rayat.

YEREMIA 22:1

Ki Tuhan in nopotabá kon inakó minayá in komaḻig i datu in Yohuda, buí i Daud, sin mopotaau in koyow i Tuhan kon i datu, bo kon pogawainea mita, takin intau in Yerusalem. Naa in tosingogon mita i Tuhan kon i monia,

YEREMIA 23:1

Ki Tuhan Allah in Israel noguman, “Moboditodon in moiko ei itoi mita inta nomutú bo noporarit in umat-Ku! Moiko in sabanarnea in mustibí momiag kon umat-Ku, táe diábí inaidan monimu intua; pinomayábí mako monimu in noirarit bo noḷagui. Tanaa Akuoi in mohukum kon i monimu popisí in aidmu moraat.

YEREMIA 23:32

Akuoi, ki Tuhan, in moḷawangbí kon nabi mita tatua inta nopotaau in togoindopnea mita inta nopuḻing in uboḷ. Mosia in nopoḷangkam in umat-Ku pinodoyon kon uboḷ bo ambungangaḷ monia. Akuoi in diábí nopotabá kon nabi mita tatua. Mosia in beresibí diá baraguna kon umat-Ku. Akuoi, Tuhan, ain nosingog.”

YEHEZKIEL 13:3

Ki Tuhan Inta Totok in moḷantud in noguman, “Moboditodon in nabi mita inta bodok tatua! Toḻindapnea in tongábí nouḻínea kon onu in irainea tontaní bo oontongonnea in diábí totuu.

YEHEZKIEL 34:2

“Ei intau ilo-ilow, torúaidon in datu mita in Israel, bo potaaudon in onu inta potaau-Ku, ki Tuhan Intau Totok in moḷantud kon i monia, ‘Moboditodon in moiko, ei gombala mita in Israel. Moiko in tongábí morai kon kopontinganmu tontaní, deemanbí kopontingan in dombamu mita.

ZAKHARIA 10:2

Intau mita mopoigum in topotundú kon berhala mita bo mononoḻindap mita, táe tubag mita inta nouḻí monia in uboḷ bo tongábí kon bibig. Oyúon in noginsilang kon togoindop, táe insilang monia in tongábí mokopoḷaḻe kon i monimu, bo ḷoḻipoi inta inogoinea diá in mangaḻenea. Tuamai in rayat noirangkapdon magí-mako naonda bo domba. Moajar monia sin diá in itoi.

ZAKHARIA 11:15

Bo ki Tuhan in nogumandon kon inakó, “Pogaidon komintanpa naonda bo iko in gombala, táe kon tanaa in mobaḻí gombala inta diá mopia.

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

MATIUS 23:16

Koboditodon in moiko itoi mita inta bilog! Bo inta noguman, ‘Aka intau bo mongibot podoyon kon Baḷoi Tuhan, intau tatua in diábí noitogot kon ibotnea; táe aka sia bo mongibot podoyon kon buḷawan inta kon bonu in Baḷoi Tuhan, yo tua in noitogot in sia kon ibotnea.’

YOHANES 12:40

“Ki Allah in noguman, ‘Binilogan-Kudon in mata monia, binaḻí-Kudon in mosia motogat in gina; sinbá mosia in diá mokoontong, bo raian monia in diá momangaḻe. Simbá mosia in diá mamangoi bui kon i-Nakó, bodongka undaman-Ku in mosia.’ ”

YOHANES 9:39

Ki Yesus in noguman, “Akuoi mamangoi in dunia naa sin mohakim; sinbá intau inta bilog in mokoontongdon, bo intau inta mokoontong, mobilogdon.”

SURAT I PAULUS KON JAMAAT RUM 11:7

Dá naonda degá? Intau in Israel diá nokouḻí kon onu inta sinayak monia. Tongábí topiḻik in intau mita inta ain piniḻí i Allah in nokouḻí. Intau mita ibanea aindon notogat in gina monia in mokodongog kon oiní i Allah.

KORINTUS 1 8:4

Yo soaḷ mokaan kon kaanon inta ain pinosumba kon berhala, sabanarnea in kinotaauanbí naton kon berhala tua in diábí onda. Sin kinotaauanbí doman naton kon tongábí tobatú in ki Allah; diábí in ibanea mako.

SAMUEL 1 2:31

Indongogaidon, moiangoibí in wakutunea Akuoi in moḻimod kon bayongan tayowmobiag kon motoḷuadí bo bui inanakanmu, modapot in diádon in tobatúmai in ḷoḷaki kon bonu in motoḷuadímu in mononoi.