YUNUS 2:9 - Alkitab Singog In Mongondow Masa In Tanaa

⁹ Táe akuoi in mopodondongbí in dodayow mita kon ini-Mu bo moposumba in kuruban kon ini-Mu. Bayongan in dandiku in aidankubí. Ikobí in ki Tuhan inta noposaḷamat.”

YUNUS 2:9 ပူးပေါင်းရင်းမြစ်များ

SAMUEL 2 15:7

Naonda in noiḻimpatdon kon opat notaong, ki Absalom in noguman kon i Datu Daud, “Amá, ogoipa mayá in akuoi kon Hebron sin mogintompod kon dandiku kon i Tuhan.

AYUB 22:27

Aka iko in mosambayang, Sia in motubag kon inimu, bo iko in motaaudon mogintompod kon bayongan in dandimu.

MAZMUR 107:22

Biódon mako in mosia mopoyaput in sukur poḷat modia kon sosumba, bo mopotaa-taau mako in aid-Nea pongin dondong pia in gina.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 3:8

Posaḷamatpa in akuoi, o Tuhan Allahku, hukumdon bo potungkudon in bayongan in saturuku.

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

MAZMUR 50:23

Intau inta moposumba in sukur mobaḻí kurubannea, siabí tua inta mohoromat kon i-Nakó; bo kon intau inta nosadia kon daḷan in poontong-Kubí in kasaḷamatan nongkon i-Nakó.”

MAZMUR 68:20

Dayowdon in ki Tuhan, sin Siabí in ki Allah inta noposaḷamat kon inaton; pomuḷoi in singgai momotaan in Sia kon dodiaan naton.

MAZMUR 95:2

Koḻigai in kita mayá in tayowon-Nea takin dondong sukur, moronggiow kon i-Nia takin dondong dodayow.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

HOSEA 14:2

Pobuidon mangoi kon i Tuhan Allahmu, ei bangusa in Israel! Dosamu ain nokopopisí kon inimu norondog bo noḷabú.

YOHANES 4:22

Moiko intau in Samaria mosumba kon i inta diá kinotaauan monimu, táe aka kami intau in Yahudi nosumba kon i-Nia inta kinotaauan nami, sin kasaḷamatan in namangoi nongkon intau in Yahudi.

OUMAN IN RASUL MITA 4:12

Diábí in kasaḷamatan kon ibanea mako koḻikudbí in kon i Yesus tontaní, sin kon dunia naa in diábí in intau ibanea in inogoian i Allah in kawasa moposaḷamat kon i naton.”

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

ULANGAN 23:18

Ná doman tua in doit inta nouḻí kon pinosundaḷan tatua in diábí motaau in diaan kon Baḷoi i Tuhan Allahmu sin poguboḻi kon dandimu, sin kinodoíbí i Tuhan Allahmu in bobay sundaḷ kon kuil mita pososumbaan bo boḻi in pinosundaḷan.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

WAHYU 7:10

Mosia in nomaḷú noropot nanaa: “Kasaḷamatan naa in tongábí nongkon i Allah naton inta iḻimitú kon tudu in tampat pomomarentaan bo nongkon i Adí in Domba tatua!”

SAMUEL 1 12:21

Dikadon dumudui kon dewa mita inta diá mokotuḷung bo moposaḷamat kon i monimu, sin mosia tua in sabanarnea in diábí.