YUNUS 2:8 - Alkitab Singog In Mongondow Masa In Tanaa

⁸ Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

YUNUS 2:8 ပူးပေါင်းရင်းမြစ်များ

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

MAZMUR 142:4

Kon dodai in akuoi gogió bo kobuḻian in kamang, kinotaauan-Mu mongo onu in musti aidanku. Kon daḷan inta musti bayáanku, musung inumado-adop notaan kon potait kon inakó.

MAZMUR 31:6

Kon bonu in kawasa-Mu posarakanku in awakku; Iko in mopoḷuat kon inakó, o Tuhan, Allah inta mosatia.

MAZMUR 69:14

Táe akuoi in nosambayang kon ini-Mu, o Tuhan, o Allah, tubagaipa in akuoi kon tungkuḷ inta mopia. Tuḷungaipa in akuoi podoyon kon tabi-Mu inta moḷoben bo popisí in kososatia-Mu.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEREMIA 2:13

Umat-Ku ain nogaid kon doyowa norupa in dosa: mosia in nonoḻikud kon i-Nakó, bokaká in tubig mobogoi in kobiagan kon intau; mosia in nogaid kon tabang noḷombang inta diá mokosion kon tubignea.”

MIKHA 1:2

Indongogaidon, ei bangusa mita! Taridiaidon, ei intau mita kon sinangkub in dunia! Ki Tuhan Inta Totok in moḷantud mamangoi saḷaku sakusi moḷawang kon i monimu komintan! Indongogai in Sia mosingog nongkon Baḷoi-Nea inta motusi kon soroga.

SAMUEL 1 12:21

Dikadon dumudui kon dewa mita inta diá mokotuḷung bo moposaḷamat kon i monimu, sin mosia tua in sabanarnea in diábí.