YUDAS 1:8 - Alkitab Singog In Mongondow Masa In Tanaa

⁸ Natua doman in intau mita inta moibog momikir kon diá totuu modapot in mogaid kon inta mokokotor kon awak monia tontaní. Mosia tua in mopoompámai kon kawasa i Allah bo moningkuḻe kon malaekat inta momulia kon soroga.

YUDAS 1:8 ပူးပေါင်းရင်းမြစ်များ

KINOBAḺIAN 3:5

Ki Allah in noguman natua sin kinotaauan-Nea aka moiko mokaan kon bungainea tatua, yo raian monimu in mobukatdon; bo moiko motongkaidon i Allah bo monotaaudon kon onu inta mopia bo onu inta moraat.”

IḶUAIAN 22:28

Dika mogodi-godimai kon i Allah bo kon itoi in bangusamu.

AMSAL 30:11

Oyúon in intau mogodi-godimai kon i amánea bo diá mohoromat kon i inánea.

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

MOHOHUTUBA 10:20

Dika mogodi-godimai kon datu, umpaka tongá kon bonu in gina. Dika moposingog-singogmai kon intau nooyúon, umpakabí kon tosiuganmu tontaní. Sin dika bo oyúon in ḷagapan nokodongog kon onu in siningogmu, bo bayáannea potaau kon intau inta siningogmu tua.

PINOGIAPAN 16:3

Mosia noyotakin minayá kon tayowon i Musa bo i Harun bo noguman, “Mobaḻídon in natua, Musa! Bayongan umat in Israel pinotondídon kon i Tuhan, bo ki Tuhan kon yua-yuakdon naton komintan. Táe nongonu sin iraimubí kon iko in moḷantu-ḷantud nongkon umat i Tuhan?”

LUKAS 11:25

Bo sia in minayádon bui. Kinobayáanneamai yo baḷoi tatua in nodaritdon sin ain sinimpatan bo totok doman sinompia kinopira.

LUKAS 12:11

Aka moiko bo diaan kon baḷoi mita pososambayangan sin sidangon kon tayowon pomarenta andeka kon tayowon in mongongawasa, yo dikabí in moiko mohawatir in momikir kon onu in potubagmu.

LUKAS 19:14

Táe intau mita inta toḻipúannea mosakí in gina kon inia, dá naonda in sia minayá, intau mita inta mosakí in gina kon inia tua nopotabá doman in tobatú intau sin moguman nanaa, ‘Kami in doíbí aka intau tanaa in mobaḻí datu nami.’

OUMAN IN RASUL MITA 23:5

Ki Paulus in notubag, “Ei utat mita, diábí kinotaauanku kon sia tua in imangbí moḷoben. Totuu kon nanaabí in pinais, ‘Donaaibí in iko mosingog kon moraat kon tobatú intau inta nobaḻí itoi monimu.’ ”

OUMAN IN RASUL MITA 7:27

Táe intau inta nomongkug kon yobayatnea tatua in nonuḷud kon i Musa bo noguman, ‘Eta ki ine in nopobaḻí kon inimu itoi bo hakim kon sigad nami?

OUMAN IN RASUL MITA 7:39

Umpaka natua táe mogoguyang naton in doí dinumudui kon inia. Mosia in doí notarima kon inia bo moibog mobui kon Mesir.

KORINTUS 1 3:17

Aka oyúon in momogutú kon Baḷoi i Allah, yo pogutúonbí doman i Allah in intau tatua. Sin Baḷoi i Allah in tongábí Baḷoi-Nea tontaní, bo moikobí nion in Baḷoi i Allah inta imakusud naa.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

TIMOTIUS 1 1:10

pinopomakusud doman kon i monia inta mokotor in oaid, kon i monia inta mongibog kon tumpaḷa ḷoḷaki, kon i monia inta banselang, kon i monia inta mongouboḷ bo kon i monia inta umuran mongonguman kon diá totuu, bo oaid mita inta diá kinoibog in totundú inta mobanar.

IBRANI 13:17

Duduiaibí onu in pinarenta in itoi mita monimu bo kodu-kodudui doman kon i monia. Sin mosia in umuran monarukira mako kon kobiaganmu bo mustibí in mosia motanggung jawab kon i Allah. Aka moiko bo motoindudui kon i monia, dá mosanangbí in gina monia in mogaid, táe aka diá yo monakit in gina monia in mogaid, bo tua in diábí mobogoi in kauntungan kon i monimu.

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.