YOSUA 9:25 - Alkitab Singog In Mongondow Masa In Tanaa

²⁵ Tanaa kami in kon bonudon in kawasa i Tuang. Pomiadon kon inami onu inta koibog i Tuang popoaid.”

YOSUA 9:25 ပူးပေါင်းရင်းမြစ်များ

KINOBAḺIAN 16:6

Tubag i Abram, “Mopia, sia tua in bobantungmu bo kon bonubí in kawasamu in sia; dá aidaidon onu in koibogmu.” Dá pinomiadon ibo-ibog i Sarai in ki Hagar, dapot in noḷaguidon in sia.

SAMUEL 2 15:26

Táe aka doídon in ki Tuhan kon inakó, dá taaudon kon i-Nia onu in popoaid-Nea kon inakó!”

SAMUEL 2 24:14

Ki Daud in notubag, “Adodoia kaasí ah! Moboditodon in akuoi! Táe dika in akuoi hukumon in intau, dá mopia-piabí kon kita in hukumon i Tuhan, sin moḷoben in tabi-Nea.”

DATU MITA 2 10:5

Tuamai in tongguḷu in komaḻig bo walikota takin guhanga mita in ḻipú bo intau mita inta noḷukad kon i adí bo ompu i Ahab tua in nokidia in habar nanaa kon i Yehu, “Kami in motoguondokbí kon i Tuang bo mosadiabí in kami mogaid kon onuka in pokiaid i Tuang kon i nami. Diábí in kami moduí kon i ineka sin mobaḻí datu. Aidaidon onu in mopia kon mata i Tuang.”

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

YEREMIA 26:14

Soaḷ akuoi, totuu kon akuoi in kon bonu in kawasamu in mopoaid kon onukabí in koibogmu.

YEREMIA 38:5

Ki Datu Zedekia in notubag, “Mopia! Aidai podudui in koibogmu, diábí in akuoi motaau mogimaḷow kon i monimu.”

MATIUS 11:26

O, Amá, tuata in kinosanang-Mu.”

YOSUA 9:26

Dá naa in inaidan i Yosua: Iḷukadanneabí in intau mita tatua bo diábí inogoinea in intau mita in Israel moḻimod kon i monia.

HAKIM MITA 10:15

Táe umat in Israel noguman kon i Tuhan, “Kami naa in binaradosadon, Tuhan. Aidaidon onu kabí in koibog-Mu aidan, asaḷ bo Iko Tuhan moibogpa motuḷung kon inami singgai in naa.”

HAKIM MITA 8:15

Nopaḷut mako kon tua ki Gideon minayá nokipodungkuḷ kon itoi mita kon kotá tatua bo noguman, “Tantú kinotoropanpabí monimu kon pernadon in moiko in doí notuḷung kon inakó, sin diápa noaḷapku in ki Zebah bo ki Salmuna, natua degá ma? Moiko in doí nobogoi in kaanon kon intauku mita; bokaka mosia in totokdon in moḷopí tungkuḷ intua. Indoiai, naa in ki Zebah bo ki Salmuna.”

SAMUEL 1 3:18

Dá pinotaaudon komintan i Samuel kon i Eli intua. Diábí tobatúmai in binuninea. Onda intua ki Eli nogumandon, “Sia in ki Tuhan, pomayádon mako in Sia mogaid kon onu inta inanggap-Nea mopia.”