YOSUA 9:18 - Alkitab Singog In Mongondow Masa In Tanaa

¹⁸ Táe intau in Israel diábí motaau in moḻimod kon i monia, sin itoi mita in Israel ain nongibot kon i monia pinodoyon kon tangoi i Tuhan Allah in Israel. Bayongan umat in Israel nongunsingog kon soaḷ tatua kon itoi mita monia.

YOSUA 9:18 ပူးပေါင်းရင်းမြစ်များ

SAMUEL 2 21:7

Táe popisí in ki Daud bo ki Yonatan aindon nongongibotan, ki Daud in diábí nobogoi kon i Mepiboset adí i Yonatan.

MAZMUR 15:4

inta mopoompámai kon intau inta kinodoí i Allah, táe mohoromat kon intau inta mosatia kon i Tuhan; inta mogintompod kon dandi, umpakabí morugi

MOHOHUTUBA 5:2

Mokakit in mohawatir, mokodugang kon tumogoindop kon inta diá mopia. Mokakit in mosingog, mokodugang doman kon tosingogon inta diá in mangaḻenea.

MOHOHUTUBA 5:6

Ná doman togoindop inta mobayong diá in mangaḻenea, yo natua doman in mobayong in singog diá in mangaḻenea. Táe kotoguondokbí kon i Tuhan.

MOHOHUTUBA 9:2

Totuu, ukur inta motongkai in moiumabí kon batúan in intau: Intau motuḻid andeka intau mobelung in raian, intau mopia andeka intau moraat, intau modarit andeka intau nonajis, intau inta noposumba in kuruban andeka inta diá. Intau mopia in diábí mopia-pia in kobiagannea nongkon intau inta binaradosa, intau inta nongibot notongkaibí doman in intau inta doí mongibot.

PINOGIAPAN 30:3

Aka ede in mongodeaga tobatú inta nogutun kon baḷoi i amánea nodandi kon i Tuhan, bo sinumogotdon kon dandi tobatú, bo ki amánea in diábí nondoí kon tungkuḷ in nokodongog kon tua, dá ede in mongodeaga tatua in mogintompod kon bayongan inta pinodandinea tatua.

ULANGAN 23:22

Moiko in diábí baradosaan aka diá modandi kon i Tuhan.

ULANGAN 23:23

Táe aka ibogmubí tontaní in modandi kon i Tuhan Allahmu, yo mustibí intompodan monimu intua.

ULANGAN 23:24

Aka moiko bo koyogot mayá bo sinumaḻib kon gobá in anggur in intau ibanea, yo motaaubí in moiko mokaan kon bungai in anggur tongonukabí in koibog monimu, táe diábí motaau mobonu kon karansi.

YOSUA 9:19

Táe itoi mita tatua notubag, “Onu in motaau aidan! Kami ain nodandi kon i monia takin nongibot pinodoyon kon tangoi i Tuhan Allah in Israel. Tanaa in kita diábí motaau mopoaid in moraat kon i monia.