YOSUA 9:15 - Alkitab Singog In Mongondow Masa In Tanaa

¹⁵ Ki Yosua nomia kon dodandian yoyobayatan takin intau mita in Gibeon tatua, bo nodandidon kon i monia kon diábí moḻimod kon i monia. Itoi mita in umat Israel nongibot doman kon mogintompodbí kon dodandian tatua.

YOSUA 9:15 ပူးပေါင်းရင်းမြစ်များ

SAMUEL 2 21:2

(Intau mita in Gibeon deemanbí intau in Israel; mosia in noituot paanan mointok in intau in Amori. Intau mita in Israel ain nongibot kon moḷukad kon i monia, táe ki Saul in noḷongasibí noyopú kon i monia sin sia in norai kon kopontingan in intau in Israel bo Yohuda.) Bo ki Daud in nogoiní kon intau mita in Gibeon tatua

IḶUAIAN 23:32

Dika mogaid kon dodandian takin intau mita tatua ande takin ilah mita monia.

YOSUA 10:1

Ki Adoni-Zedek, datu in Yerusalem, nokodongog kon ki Yosua ain nogagow bo norimumud kon bayongan kotá in Ai, poḷat noḻimod kon i datu monia ná inta ain pinogogaidnea kon Yerikho bo kon i datu monia. Dinongognea domandon kon intau in Gibeon nomia domandon kon dodandian yoyobayatan takin intau mita in Israel bo nogutun kon yua-yuak monia.

YOSUA 10:4

“Koḻigai angoipa bantungai in akuoi in monubu kon Gibeon, sin mosia in nomiadon kon dodandian yoyobayatan takin i Yosua bo in intau mita in Israel.”

YOSUA 11:19

Nongkon kotá mita kon bayongan in butá tatua, diábí in tobatúmai in kotá in nogaid kon dodandian yoyobayatan takin Israel, koḻikudbí in Gibeon, kotá in bangusa in Hewi. Bayongan doman kotá ibanea sinaḷow doman monia kon bonu in parang.

YOSUA 9:16

Táe noniata magí, kon singgai nogintoḷu naonda in dodandian tatua pinomia, intau in Israel nodapotdon in kotá in Gibeon, Kepira, Beerot bo Kiryat-Yearim kon butá in intau mita tatua. Dá bain tua bo kinotaauan kon tampat pinogutunan monia tua in diábí noyayú nongkon Gilgal.