YOSUA 8:24 - Alkitab Singog In Mongondow Masa In Tanaa

²⁴ Naonda in tontara mita in Israel nopaḷut noḻimod kon tontara in musung inta nondudur kon i monia kon padang gurun, nobuidon in mosia kon Ai, bo noḻimod kon bayongan in intau inta kon tua.

YOSUA 8:24 ပူးပေါင်းရင်းမြစ်များ

PINOGIAPAN 21:24

Táe kon pinoparangan tatua nobarong intau in Amori in iḻimod in intau Israel. Bo kinawasaandon in intau Israel in butá monia nongkon Ongkag in Arnon nodapot in Ongkag in Yabok, inta pinosigadan in butá in intau in Amon, sin pinosigadan tatua totok in moropot in pinoḷoḷukad monia.

YOSUA 8:23

koḻikudon in ki datu in Ai. Sia in dinomok bo dinia pinobayá kon tayowon i Yosua.

YOSUA 8:25

Ki Yosua tantú nopotonggó in pandongnea ná Ai, bo diábí pinopoponag nodapot in intau mita kon Ai nodait kinoḻimodan. Singgai doman tua minatoidon komintan in intau mita kon kotá in Ai – 12.000 in kobayong intaunea, ḷoḷaki bo bobay.

HAKIM MITA 20:42

Dá, noḷaguidon in mosia nongkon intau mita in Israel nopobayá ná padang gurun, táe diá in mosia nokoḷagui. Kinokopungandon in mosia in tontara mita ḷontú in intau Israel bo tontara mita inta kon dodai intua koyogotdon mopoangoi nongkon kotá. Sinaḷowdon totok in intau in Benyamin.