YOSUA 8:23 - Alkitab Singog In Mongondow Masa In Tanaa

²³ koḻikudon in ki datu in Ai. Sia in dinomok bo dinia pinobayá kon tayowon i Yosua.

YOSUA 8:23 ပူးပေါင်းရင်းမြစ်များ

YOSUA 10:17

Intau inta nokoontong kon i monia, nopotaau kon i Yosua in tampat inta pinogadopan monia.

YOSUA 10:22

Onda intua ki Yosua noguman, “Tanaa in bukádon taḷob in angob tatua bo diá mangoi kon naa in datu taya ḻima tatua.”

YOSUA 8:24

Naonda in tontara mita in Israel nopaḷut noḻimod kon tontara in musung inta nondudur kon i monia kon padang gurun, nobuidon in mosia kon Ai, bo noḻimod kon bayongan in intau inta kon tua.

YOSUA 8:29

Datu in kotá tatua in binambé kon oigi tobatú, bo pinomayá mako nodapot in ḷoḷabungnea. Kon dodai in mata in singgai sinumoyop, pinoki gamádon i Yosua in mayat tatua bo iḷumbú kon tayowon in ḷoḻingkop moḷoben in kotá. Onda intua tampat tatua binumbunan in batu inta mobarong totok. Batu mita tatua umuranpabí oyúon nodapot in tanaa mako.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

SAMUEL 1 15:8

Bayongan in rayat bo tontara in intau in Amalek iḻimod i Saul. Táe ki Agag datu in intau in Amalek in dinomok bo pinomayá mako i Saul takin tontaranea nobiag, natua doman in bayongan domba bo sapi inta totok in mongopia, ki adí in sapi bo ki adí in domba inta totok in noḷongó, bo bayongan in onu inta koboḻi; tongábí bobiagon inta diá in mangaḻenea bo inta diá koboḻi tua in iḻimod.