YOSUA 8:2 - Alkitab Singog In Mongondow Masa In Tanaa

² Ai bo datunea in musti aidanmu ná pinogogaidmu kon Yerikho bo datunea koḻipod. Táe tanaa in barangnea mita bo bobiagonnea in motaaudon gamáanmu mobaḻí kapunyaanmu. Posadiadon in mayá monubu kon kotá tatua taḻikokogan nongkon tumi.”

YOSUA 8:2 ပူးပေါင်းရင်းမြစ်များ

TAWARIKH 2 13:13

Kon dodai intua ki Yerobeam in nopotabádon in tongosilai nongkon tontaranea sin monubu kon Yohuda nongkon tumi, bo tongosilai doman in nonayow kon i monia nongkon muna.

TAWARIKH 2 20:22

Kon tungkuḷ in mododondong tatua momangkoidon modondong, ki Tuhan in mopotombaukdon kon yua-yuak in tontara in musung inta koyogot in monubu.

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

AMSAL 13:22

Intau mopia in mopoabatbí in kaoyúonannea kon i adí bo ompunea; kaoyúonan in intau binaradosa in sinagú kon intau inta motuḻid in kobiagannea.

AMSAL 28:20

Intau motuḻid in gina barakatanbí i Tuhan, táe intau inta moibog ḷagi mooyúon, diábí kotaḻiban in hukuman.

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

YEREMIA 51:12

Ogoiai in tomponuot in monubu kon dinding mita in Babel. Iropotai in poḷoḷukadan. Ogoiai in moḷoḷukad. Posadia in modomok!” Ki Tuhan in nopobayádon kon onu inta sinomayá-Nea kon intau in Babel.

ULANGAN 2:35

Bobiagon mita monia ginamá naton bo kotánea mita in inagow naton.

ULANGAN 20:14

Táe moiko in motaaubí mogamá kon bobaynea mita, adí mita, bobiagon bo onuka in kon kotá tatua. Bayongan in kapunyaan in musungmu mita tatua motaaubí in pakéon monimu. Inogoi bidon i Tuhan Allahmu intua kon inimu.

ULANGAN 3:2

Táe ki Tuhan noguman kon inakó, ‘Dika moondok kon inia, Musa. Ogoi-Ku bidon in sia, tontaranea bo bayongan butánea kon inimu. Popoaidon kon inia ná inta pinopoaidmu kon i Sihon, datu in Amori inta nomarenta kon Hesybon,’

YOSUA 10:1

Ki Adoni-Zedek, datu in Yerusalem, nokodongog kon ki Yosua ain nogagow bo norimumud kon bayongan kotá in Ai, poḷat noḻimod kon i datu monia ná inta ain pinogogaidnea kon Yerikho bo kon i datu monia. Dinongognea domandon kon intau in Gibeon nomia domandon kon dodandian yoyobayatan takin intau mita in Israel bo nogutun kon yua-yuak monia.

YOSUA 10:28

Singgai tatua ki Yosua nonubu kon Makeda, bo poḷat nonaḷow kon kotá tatua takin datu monia. Bayongan in intau kon kotá tatua iḻimodnea; diá tobatúmai in pinomayá mako nobiag. Inaidanmai i Yosua in datu in Makeda tatua ná doman pinogogaidnea kon i datu in Yerikho.

YOSUA 11:14

Bayongan in intau kon bonu in kotá tatua iḻimod; diá in tobatúmai in pinomayá mako nobiag. Táe bayongan in pakakat mita inta koboḻi bo bobiagon monia in ginamá in intau in Israel nobaḻí kapunyaan monia.

YOSUA 6:21

Bayongan intau kon kotá tatua, noguod noguyang, ḷoḷaki bobay, komintan iḻimod in pitow. Bayongan in bobiagon sapi, domba bo keledai sinoko ḻimod doman.

YOSUA 8:12

Degá 5.000 in intau inta ain pinotabánea nogadop kon dotá in toyopan kon kotá tatua, inta kon sigad in Ai bo Betel.

YOSUA 8:14

Naonda in kinoontongan i datu in Ai in intau mita i Yosua, dá ḷagidon in sia nomarenta. Sia bo bayongan in intaunea mita iḻumuai nopobayá ná ḷopá in Yordan sin monubu kon intau in Israel kon tampat inta koḻipod. Diábí kinotaauannea kon topípa bo sia tua in tubuon doman nongkon tumi.

YOSUA 8:19

Naonda in sinonggó i Yosua in ḻimanea, tontara mita inta nogadop tua iḻimikatdon in sinimindog bo nonubu kon kotá tatua, bo poḷat nogagow. Baḷúdon sinubá monia in kotá tatua.

YOSUA 8:24

Naonda in tontara mita in Israel nopaḷut noḻimod kon tontara in musung inta nondudur kon i monia kon padang gurun, nobuidon in mosia kon Ai, bo noḻimod kon bayongan in intau inta kon tua.

YOSUA 8:3

Dá ki Yosua nosadiadon mayá in Ai moyotakin in bayongan tontaranea. Sia nomiḻí kon 30.000 in tontara mita inta totok mopia, bo nopotabá kon i monia kon wakutu in doḷom,

YOSUA 8:7

Kon dodaidon intuata bo ḷumuai in moiko nongkon pinogadopan monimu, bo mogagow kon kotá tatua. Ogoi bidon i Tuhan Allahmu intua kon inimu.

YOSUA 8:8

Naonda in koagowan mako turubdon in kotá tatua, podudui kon ná inta ain pinarenta i Tuhan. Tuata in oaidanmu.”

YOSUA 8:9

Onda intua ki Yosua nopotabádon kon i monia, bo mosia minayá nogadop kon dotá in toyopan kotá in Ai kon sigad in Ai bo Betel, bo nogoḷat kon tua. Táe ki Yosua in nosiugpa kon pinononḷoḷaigan in umat Israel.

YOSUA 9:3

Táe intau mita in Gibeon inta nongkon bangusa in Hewi ain nokodongog kon onu inta pinomia i Yosua kon Yerikho bo Ai.