YOSUA 8:17 - Alkitab Singog In Mongondow Masa In Tanaa

¹⁷ Bayongan intau kon Ai iḻumuai sin mogaḷow kon intau in Israel, dá kotá tatua in pinomayádon nobukat mako natua, diádon iḷukadan.

YOSUA 8:17 ပူးပေါင်းရင်းမြစ်များ

ULANGAN 2:30

Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.

YOSUA 11:20

Binaḻí i Tuhan in mosia motontogat in gina bo momarang kon intau in Israel, sinbá mosia yopúon, bo ḻimodon takin diá in ampung podudui in parenta i Tuhan kon i Musa.

YOSUA 8:16

Bayongan in ḷoḷaki kon kotá in Ai nodait pinarentaan mondudur kon i Yosua bo tontaranea tatua. Táe koyayú-koyayú in ponduduran monia kon i Yosua dá koyayú-koyayú doman in mosia nongkon kotá monia.

YOSUA 8:18

Onda intua ki Tuhan noguman kon i Yosua, “Tonggó in tungkudmu bo popotundú kon Ai; kotá tatua in ogoi-Kudon kon inimu in tanaa mako.” Inaidan i Yosua onu in pinarenta i Tuhan kon inia.

YOSUA 8:3

Dá ki Yosua nosadiadon mayá in Ai moyotakin in bayongan tontaranea. Sia nomiḻí kon 30.000 in tontara mita inta totok mopia, bo nopotabá kon i monia kon wakutu in doḷom,

HAKIM MITA 20:31

Intau mita in Benyamin nonubu doman, bo kino kailandon monia iḻumuai in kotá. Ná inta ain nobaḻí muna, mosia momangkoidon noḻimod kon intau mita in Israel kon tampat mita inta nosimbanat kon ḷuai in kotá kon daḷan inta nopobayá ná Betel bo kon daḷan inta nopobayá ná Gibea. Toḷu nopuḷúdon intau in Israel in kinoḻimodan.