YOSUA 8:14 - Alkitab Singog In Mongondow Masa In Tanaa

¹⁴ Naonda in kinoontongan i datu in Ai in intau mita i Yosua, dá ḷagidon in sia nomarenta. Sia bo bayongan in intaunea mita iḻumuai nopobayá ná ḷopá in Yordan sin monubu kon intau in Israel kon tampat inta koḻipod. Diábí kinotaauannea kon topípa bo sia tua in tubuon doman nongkon tumi.

YOSUA 8:14 ပူးပေါင်းရင်းမြစ်များ

MOHOHUTUBA 9:12

Intau naa in diábí nonotaau mongo toonu in wakutunea mamangoi. Naonda bo ḷagapan noibaaḷ bo toyá noikarit, natua doman in intau kinotugatan in bodito kon tungkuḷ inta diá kon gina-gina mako.

YESAYA 19:11

Totuu modondunguḷ in itoi mita in kotá in Zoan! Intau in Mesir inta totok in mobijaksana nobogoi in tonggina inta nobodok! Totuu mobarani mosia in moguman kon datu kon mosia in buí in intau mita mobijak bo datu dungkuḷmai!

YESAYA 19:13

Itoi mita in Zoan bo Mempis in intaubí mita inta dondunguḷ. Mosia in deemanbí mobaḻí itoi, táe mopoḷaḻebí kon bangusanea.

DANIEL 4:31

Diápa nopaḷut in akuoi nosingog bo kinodongogandon in singog nongkon ḷangit, “Datu Nebukadnezar, indongogaidon in naa! Kawasamu saḷaku datu in ginamádon nongkon inimu.

MATIUS 24:39

Bo diábí kinotaauan monia in onu inta nobaḻí, wakutu in ḷunud diápa noiangoi bo nomutú kon i monia komintan. Natua doman in mobaḻí kon masa in koangoian i Adí Intau.

MATIUS 24:50

Bo ki tuangnea in namangoi kon singgai inta diá sinangka-sangkanea bo kon wakutu inta diá kinotaauannea.

ULANGAN 1:1

Buk in tanaa tombonunea in tosingogon mita inta pinotaau i Musa kon bangusa Israel kon dodai in mosia kon padang gurun kon Ḷopá in Yordan. Ḷopá tatua in kon dotá in pomukaan kon Ongkag in Yordan, kon diug in kotá in Sup, kon sigad in kotá in Paran kon pihak tobatú, bo kon kotá mita in Topel, Laban, Hazerot bo Di-Zahab kon pihak ibanea. (

YOSUA 8:13

Dá, nanaadon in pinogogator kon tontara inta mayá moparang tatua: Markas inta totok in moponting pinoukat kon dotá in utuan kon kotá tatua bo tontara ibanea in kon dotá in toyopan, bo ki Yosua minayá in ḷopá in doḷom tua.

YOSUA 8:15

Ki Yosua bo intaunea mita in ki ubo-uboḷmai umundok; mosia in noribatuk nopobayá in padang gurun.

YOSUA 8:16

Bayongan in ḷoḷaki kon kotá in Ai nodait pinarentaan mondudur kon i Yosua bo tontaranea tatua. Táe koyayú-koyayú in ponduduran monia kon i Yosua dá koyayú-koyayú doman in mosia nongkon kotá monia.

YOSUA 8:5

Akuoi takin intauku mita in dimiugdon kon kotá tatua. Aka intau mita in Ai ḷumuai mogaḷow kon inami, kami in momurow bo moḷagui ná koḻipod.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.

HAKIM MITA 20:37

Intau mita inta nogadop tatua in iḻimikatdon sinumuot bo nonubu kon Gibea; mosia in irumangkap kon bayongan in tampat kon bonu in kotá bo noḻimod kon bayongan in intau kon tua.