YOSUA 7:6 - Alkitab Singog In Mongondow Masa In Tanaa

⁶ Noajar totok in gina i Yosua bo gina in itoi mita in umat Israel dá mosia nomera-merakdon kon pakeang monia, bo kino ouputdon in singgai dapot in doḷom mosia sinumungkud kon tayowon in Poti Dodandian i Tuhan poḷat nopoinggú in ḷobud kon uḷu monia nobaḻí tompoingat kon noajar totok in gina monia.

YOSUA 7:6 ပူးပေါင်းရင်းမြစ်များ

KINOBAḺIAN 37:29

Naonda in ki Ruben minayádon bui in parigí tatua bo diádon inontongnea in ki Yusup kon tua, binerakneadon in ḷambungnea, sin norobonoḷ in ginanea.

KINOBAḺIAN 37:34

Ki Yakub nomerak kon pakeangnea sin norobonoḷ totok in ginanea bo sia in nogiḷambung norondí. Pomuḷoi in singgai sia in mogamuimai mongombaḷ sin kinopatoian i adínea tatua.

SAMUEL 2 1:11

Nokodongogmai kon tua in ki Daud, nomerak in sia kon ḷambungnea sin pinongoibú, bo bayongan in intaunea nomia domandon natua.

SAMUEL 2 1:12

Mosia in nogamui bo nonogumatoi poḷat nopuasa nodapot in doḷom sin kinopatoian i Saul bo i Yonatan, bo takin doman in bayongan in intau in Israel, umat i Tuhan, sin nobayongdon totok in minatoi kon pinoparangan tatua.

SAMUEL 2 1:2

Kon singgai nogintoḷu, namangoidon in tayowmobiag tobatú nongkon pinononḷoḷaigan i Saul. Nobaḻí tomponuot kon pinonogumatoian sia in nomerakdon kon pakeangnea bo nopotoguḷudon in butá in sia. Minayá in sia kon i Daud bo sinumungkud kon tayowonnea.

SAMUEL 2 12:16

Bo nosambayang in ki Daud kon i Tuhan sinbá mopia in adí tatua. Nopuasa in sia bo pomuḷoi in doḷom tumonggobii monag sia in umuḻid mako kon taḷog in gopotnea.

SAMUEL 2 13:19

Bo nopoinggú in ki Tamar in ḷobud kon uḷunea, nomerak kon jubahnea, bo minayá takin nopogoḻingoi in ḻimanea kon pogotnea bo sindaḷan nongombaḷ totok.

SAMUEL 2 13:31

Sinimindog in ki Datu, bo nomerak kon ḷambungnea sin nokuyangdon totok in ginanea, bo inumuḻidon kon taḷog. Bayongan in pogawainea dinumudui domandon nomerak kon ḷambung monia.

DATU MITA 2 22:11

Nokodongogmai kon bonu in buk tatua, ki datu in nomera-merak kon ḷambungnea sin norobonoḷ in ginanea.

TAWARIKH 2 34:19

Nokodongogmai kon tombonu in buk tatua, ki datu in nomera-merak kon ḷambungnea sin norobonoḷ totok in dodobnea.

EZRA 10:1

Koyogot in ki Ezra nosambayang koomba-ombaḷ bo nongaku kon dosa kon tayowon in Baḷoi Tuhan, nobayong totok in intau in Israel in namangoi noyosipun, pinomayá ḷoḷaki andeka bobay bo adí mita. Mosia in iḻimibu kon inia poḷat doman nongombaḷ inimibo-ibogbí.

NEHEMIA 9:1

Kon singgai in doyowa nopuḷú bo opat kon buḷan doman tatua, rayat in Israel noyosipun. Mosia in nopuasa sin moponiata kon mosia in nomanasaḷdon in nogaid kon dosa mita. Mosia in sinumondí kon intau mita ango-angoi. Nobaḻí tomponuot kon noajar in gina, nogibintoḷ in mosia bo nopoinggú in ḷobud kon uḷu. Onda intua sinimindog in mosia bo nongaku kon bayongan in dosa monia bo dosa in mogoguyang monia.

ESTER 4:1

Naonda in kinodongogandon i Mordekhai onu inta nobaḻí, nomerak in sia kon ḷambungnea bo nogibintoḷ nobaḻí tomponuot kon morobonod in gina. Sia in nopoinggú in ḷobud kon uḷunea, bo nodondaḷoi kon kotá poḷat nongombaḷ moropot takin robonoḷ in dodob.

ESTER 4:3

Bo kon bayongan in propinsi, intau mita in Yahudi nongombaḷ bo nogamui naonda in parenta i datu pinotaau. Nopuasa in mosia, nongombaḷ bo nopongadu, bo nobayong in kon sigad monia in nomaké in sosapi bo inumuḻid kon ḷobud.

AYUB 1:20

Bo sinimindogdon in ki Ayub bo nomerak kon ḷambungnea nobaḻí tomponuot kon ponogumatoian. Nongarug in sia kon buoknea, bo sinumungkud

AYUB 2:12

Táe naonda in inontong monia nongkon noyayú, gogió bo diádon kinotaauan monia. Mosia in nongombaḷ noropot bo nomerak kon ḷambung monia poḷat noponabud in ḷobud kon toḷungayá bo kon uḷu.

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

OMBAḶ 2:10

Guhanga mita in kotá iḻimitú kon butá bo kibio-biómai; mosia in nopoinggú in ḷobud kon uḷu, bo nomaké in kaeng karong nobaḻí tomponuot kon pinonogumatoian. Mongodeaga mita in kinumuyung nodapot in butá.

PINOGIAPAN 14:6

Ki Yosua adí i Nun bo ki Kaleb adí i Yepune, inta noitakin minayá nonaridi kon butá tatua, nomerak kon ḷambung monia nobaḻí tomponuot in manasaḷ.

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

PINOGIAPAN 16:45

“Pokoyayúdon kon intau mita tanion. Yopúon-Kudon in mosia nion kon tampat doman tanion!” Taya dua tua dinumokó bo nosumba,

OUMAN IN RASUL MITA 14:14

Naonda in ki Paulus bo i Barnabas nokodongog kon onu inaidan in intau mita tatua, nomera-merak in mosia kon ḷambung monia bo sindaḷan noribatuk minayá irumuak kon intau moantó tatua, bo nomaḷú,

YOSUA 7:7

Ki Yosua noguman kon i Tuhan, “O Allah Tuhanku! Onu in mangaḻe in pinodiaan-Mu kon inami nodapot kon ḷoḷan in Yordan? Yo degá tongábí mobogoi kon inami kon intau mita in Amori? Sinbá matoi in kami? Mopia-piabí kon nogutun kon ḷoḷan in Yordan in kami!

WAHYU 18:19

Dá mosia in nopoinggú in ḷobud saḷaku tanda nobaḷu. Bo mosia in nongombaḷ poḷat nogamui, “Adodoia kaasí in kobobogat in bodito in kotá moḷoben tanaa! Kaoyúonannea ain nokopobaḻí kon bayongan intau inta kokapaḷ in dagat nobiag doman nooyúon! Táe tongá kon bonu i wakutu tojam sia in kinobuḻiandon in bayongan yagi-yagi!”

HAKIM MITA 11:35

Naonda in inontong i Yepta in sia, noajardon totok in gina i Yepta dá sia nomisi-misídon kon ḷambungnea, poḷat noguman, “Kaasí adíku, morumbundon in dodobku! Nongonu sin mustibí iko in mokororiga totok kon ginaku? Akuoi ain nongibot kon i Tuhan, bo diá bidon intua motaauku inggamáan bui!”

HAKIM MITA 20:26

Dá buidon minayá in umat in Israel kon Betel bo nongombaḷ kon i Tuhan. Kon tua in mosia nopuasa nodapot in doḷom noposumba in kuruban pondamean bo kuruban payongon kon i Tuhan.

HAKIM MITA 21:2

Tanaa in mosia minayá in Betel bo iḻimitú nopongoibú in gina nodapot in doḷom kon tayowon i Tuhan. Mosia in nongombaḷ bo nokuani,

SAMUEL 1 4:12

Intau tobatú nongkon suku Benyamin noḷagui nongkon tampat pinoparangan kon Silo, bo noidapot intua kon singgaipa doman tatua. Nobaḻí tomponuot kon nonogumatoi, binerakneadon in pakeangnea bo nopongipúdon in sia in butá kon uḷu.