YOSUA 7:13 - Alkitab Singog In Mongondow Masa In Tanaa

¹³ Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’

YOSUA 7:13 ပူးပေါင်းရင်းမြစ်များ

KINOBAḺIAN 34:27

Naonda in nopaḷut pinoḻimodan tatua, ki adí mita i Yakub ibanea nogagow kon kotá tatua saḷaku toḻiu in yaat in gina monia sin ki ai-ai monia ain pinokopo oyámai monia.

TAWARIKH 2 28:10

Bo tanaa intau mita in Yerusalem bo Yohuda in baḻíondon monimu atamu mita! Diábí degá kinotaauan monimu kon moiko tontaní in binaradosadon kon i Tuhan Allahmu?

MATIUS 7:5

Ei intau momunapik! Poḷuaipa muna in kayu kon bonu in matamu, sinbá motarang in matamu, bo motaaudon mopoḷuai in puḻing kon mata i utatmu.

ULANGAN 13:6

Aka utatmu ande adímu ḷoḷaki ande bobay, ande ki buḷoimu inta kinotabimu ande yobayatmu modagin takin umado-adop modondouḷug kon inimu sin mosumba kon ilah mita ibanea inta diá kinotaauan monimu bo diá doman kinotaauan in mogoguyangmu, ilah mita inta nongkon bangusa mita inta nogutun noyodiugan ande noyogiyayúan,

YOSUA 3:5

Ki Yosua noguman kon umat in Israel, “Moiko in musti mopotusi in awak, sin ikoḷom in ki Tuhan mogaid kon inta mokoherang kon yua-yuakmu.”

YOSUA 6:18

Diábí in motaau mogamá kon onuka inta musti payongon. Aka mogamá in moiko kon tua, dá pinononḷoḷaigan in Israel koantugan in bodito.

YOSUA 7:11

Intau in Israel nogaidon kon dosa. Akuoi ain nomarenta sinbá mosia mokopotoindudui kon dodandian-Ku takin i monia, táe iḻimpatan monia intua! Barang mita inta musti payongon aindon ginamá monia. Mosia nonakow bo binuni monia kon sigad in pakakat mita monia sinbá diá kotaauan.