YOSUA 7:11 - Alkitab Singog In Mongondow Masa In Tanaa

¹¹ Intau in Israel nogaidon kon dosa. Akuoi ain nomarenta sinbá mosia mokopotoindudui kon dodandian-Ku takin i monia, táe iḻimpatan monia intua! Barang mita inta musti payongon aindon ginamá monia. Mosia nonakow bo binuni monia kon sigad in pakakat mita monia sinbá diá kotaauan.

YOSUA 7:11 ပူးပေါင်းရင်းမြစ်များ

DATU MITA 2 18:12

Samaria in noḷabú popisí in intau Israel diá motoindudui kon i Tuhan, Allah monia. Mosia in noḻiong kon dodandian inta pinomia i Tuhan takin i monia, bo mosia in iḻimimpat kon bayongan in parenta i Musa, mogogundoi-Nea. Mosia in doíbí mokidongog bo doí doman dumudui.

DATU MITA 2 5:24

Naonda in noyaput kon buḷud pinogutunan i Elisa, ki Gehazi in nogamá kon doit bo pakeang tatua nongkon bobantung mita i Naaman, onda intua sinagúnea kon bonu in baḷoi. Bobantung mita tatua in pinotabáneadon nobui,

YESAYA 24:5

Butá mobaḻí mokotor popisí in intaunea iḻimimpat kon parenta mita i Allah, nomaḷui kon inta ain sinantú-Nea mita bo nonoḻikud kon dodandian inta pinomia-Nea noyotakin monia modapot in mononoi.

YEREMIA 31:32

Táe dodandian tatua in deemanbí ná dodandian inta pinomia-Ku takin mogoguyang monia kon dodai in mosia kinapit-Ku iḻumuai nongkon Mesir. Umpaka in Akuoi naonda bo ki buḷoi monia ḷoḷaki, táe mosia in nonoḻikud kon dodandian-ku takin i monia.

HOSEA 6:7

Táe naonda bo kon Adam, moiko in nonaḷámai kon dodandianmu takin-Ku.

IMAMAT 5:15

Aka intau tobatú takin diá sinumuod bo ain noiḷaut in nogaid kon dosa sin nokoḻiong nobogoi in sosumbanea mita inta ain sinantú ogoi kon i Tuhan, dá intau tatua in musti modia kon kuruban mobaḻí toḻiu in karugian. Kuruban tatua musti domba tobatú ande bembé koḷakian inta totok in mopia, bo iapon podudui kon boḻinea inta sinantú kon Ḷoḷaigan i Tuhan.

HABAKUK 2:6

Táe bayongan inta ain pinotungkudnea tatua in monigidbí bo mopoḷoḻeke kon inia. Mosia in moguman nanaa, “Kinutukdon in iko sin nomontuyungdon kon pakakat inta deeman iko in kitogi! Dapotpa in toonu in iko in mopooyúon kon inimu tontaní pongin aid momakisa kon intau mita inta koboḻi kon inimu moguboḻi kon boḻi monia?”

ZAKHARIA 5:4

Ki Tuhan Inta Totok in mokawasa in noguman kon kutukan tatua in popouma kon batúan in baḷoi in mononakow bo baḷoi in intau inta nongibot kon diá totuu. Baḷoi mita tatua in tantú kotugatan in kutukan tatua modapot in mobaḻídon apug mita.”

MATIUS 22:21

Mosia notubag, “Gambar bo pais i Kaisar.” Dá ki Yesus in noguman kon i monia, “Ogoidon kon i Kaisar onu inta musti ogoi monimu kon i Kaisar, bo ogoi kon i Allah inta musti ogoi monimu kon i Allah.”

OUMAN IN RASUL MITA 5:9

Dá ki Petrus in noḻibó bui nanaa “Nongonu sin kamunda motonibuḷoi in moibogbí monungkuḷ kon Roho i Tuhan? Indoiaika in intau mita inta bagu noiangoi minayá noḷobong kon i buḷoimu, sinimindogdon mako kon tayowon in ḷoḻingkop sin modia domandon kon inimu poḷuai sin bayáan ḷobongon.”

ULANGAN 17:2

Aka kodongogan monimu kon kotámu tobatú oyúon in kon dosa kon i Tuhan Allahmu sin iḻimimpatdon kon dodandian

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

YOSUA 23:16

Aka moiko ḻimimpat kon dodandian inta ain pinarenta i Tuhan Allahmu kon inimu sinbá duduian, bo moiko mayá moibada kon toḻindua mita in Tuhan bo poḷat mosumba kon toḻindua mita in Tuhan tua, dá tumorú in ki Tuhan, bo mohukum kon i monimu. Diábí moonggot bo moiko komintan moyopú nongkon butá inta mopia naa, butá inta inogoi i Tuhan kon inimu.”

YOSUA 7:1

Ki Tuhan ain nomarenta kon umat in Israel kon nongkon bayongan onu inta kon kotá in Yerikho inta musti payongon, tobatúmai yo diábí in motaau gamáan. Táe parenta tatua diábí dinuduian. Ḷoḷaki tobatú inta ki Akhan in tangoinea iḻimimpatdon kon parenta tatua, dá ki Tuhan in sinumorúdon totok kon umat in Israel. (Ki amá i Akhan naa tangoinea in ki Karmi bo ki akinea in ki Zabdi nongkon inanakan i Zerah kon bonu in suku i Yohuda.)

YOSUA 7:10

Ki Tuhan noguman kon i Yosua, “Pobangon! Diábí in mangaḻe in tungkudanmu mako kon butá naníon!

HAKIM MITA 2:20

Manangka intua ki Tuhan sinumorúdon totok kon umat in Israel, bo noguman, “Akuoi in nogumandon kon mogoguyang in bangusa tanaa sinbá umuran kumadai kon dodandian-Ku takin i monia. Táe bangusa tanaa in nomontowdon kon dodandian tatua; mosia in iḻimimpat kon parenta-Ku.

SAMUEL 1 14:38

Manangka intua ki Saul noguman kon bayongan itoi in rayat, “Koḻigaipa kon naa komintan bo taridipa mongo dosa onu in ain inaidan kon singgai in naa.