YOSUA 7:1 - Alkitab Singog In Mongondow Masa In Tanaa

¹ Ki Tuhan ain nomarenta kon umat in Israel kon nongkon bayongan onu inta kon kotá in Yerikho inta musti payongon, tobatúmai yo diábí in motaau gamáan. Táe parenta tatua diábí dinuduian. Ḷoḷaki tobatú inta ki Akhan in tangoinea iḻimimpatdon kon parenta tatua, dá ki Tuhan in sinumorúdon totok kon umat in Israel. (Ki amá i Akhan naa tangoinea in ki Karmi bo ki akinea in ki Zabdi nongkon inanakan i Zerah kon bonu in suku i Yohuda.)

YOSUA 7:1 ပူးပေါင်းရင်းမြစ်များ

KINOBAḺIAN 34:27

Naonda in nopaḷut pinoḻimodan tatua, ki adí mita i Yakub ibanea nogagow kon kotá tatua saḷaku toḻiu in yaat in gina monia sin ki ai-ai monia ain pinokopo oyámai monia.

SAMUEL 2 24:1

Ki Tuhan in sinumorú bui kon Israel, bo ki Daud in dinondouḷugan-Nea sin makusud mopoangoi in roriga kon bangusa tatua. Guman i Tuhan kon inia, “Iapdon in intau kon Israel bo Yohuda.”

DATU MITA 2 5:24

Naonda in noyaput kon buḷud pinogutunan i Elisa, ki Gehazi in nogamá kon doit bo pakeang tatua nongkon bobantung mita i Naaman, onda intua sinagúnea kon bonu in baḷoi. Bobantung mita tatua in pinotabáneadon nobui,

TAWARIKH 1 21:7

Kinodoíbí i Allah in pinogiapan tatua bo ihukum-Nea in intau in Israel.

TAWARIKH 2 24:18

Dá rayat in diádon noibada kon Baḷoi Tuhan, Allah in mogoguyang monia, táe nosumbadon kon berhala bo patong mita i Dewa Asyera. Dosa monia tatua nokopopisídon kon ki Tuhan sinumorú kon Yohuda bo kon Yerusalem.

EZRA 9:6

Akuoi in noguman, “Oo Allahku, akuoi naa in mooyá in dumungá kon tayowon-Mu. Dosa nami in moyo-moyoguntuḷdon kon tudu in uḷu nami noidapotdon in ḷangit.

AYUB 35:8

Tongábí tumpaḷa intau in pinorugi in dosamu mita. Sia doman in mountung sin aidmu mopia.

MOHOHUTUBA 9:18

Hikmat in mobara-baraguna nongkon ḷoḷutam, táe aid moraat topiḻik mokogoguyaat kon aid mopia mobayong.

DANIEL 9:7

Oo Tuhan, aid-Mu umuranbí moitombutung bo moadil, táe kami in umuranbí mokopoangoi kon oyá kon inami tontaní, tuata in kami inta nogutun kon Yudea bo kon Yerusalem bo bayongan in intau tongobangusa nami inta ain pinorangkap-Mu kon butá mita inta nongoyayú bo inta nongodiug popisí in mosia diá motoindudui kon ini-Mu.

IMAMAT 10:6

Bo ki Musa in noguman kon i Harun bo kon i adínea mita ibanea, inta ki Eleazer bo ki Itamar, “Dika mokuyang in gina monimu popisí in kinopatoian tatua. Aka moiko momia kon natua, yo matoi doman, bo bayongan umat Israel torúan i Tuhan. Táe bayongan intau Israel ibanea in motaaubí in mogi morondí sin kinopatoian intau doyowa tatua inta popisí in tuḷú nongkon i Tuhan.

YUNUS 1:7

Naonda in ki Yunus bo mododia kon kapaḷ tatua nopoonik, intau mita in kapaḷ tatua in nosigumanan, “Igai bá mopogonik in undi in kita sinbá kotaauan naton mongo ki ine in kotaḷá nodapot in kinoantugan in bodito tanaa!” Mosia in nopogonik in undi, bo tangoi i Yunus in kinotugatan.

YOSUA 22:16

Bo mosia nosingog nobaḻí toḻiu in bayongan in umat i Tuhan, mosia noguman kon intau mita inta nongkon suku i Ruben, i Gad bo i Manasye tatua, “Nongonu sin moiko in nogaid bidon kon inta moraat nanaa kon i Allah Israel? Takin nogaid kon mezbahmu tontaní, moiko in noḷawangdon kon i Tuhan! Moiko in diá bidon dinumudui kon parenta-Nea mita!

YOSUA 22:18

Bo tanaa, degá moibogdon bui in moiko monoḻikud kon i Tuhan? Aka singgai naa moiko moibog moḷawang kon i Tuhan, yo ikoḷom in Sia tumorúdon kon bayongan umat in Israel.

YOSUA 22:20

Torop, in ki Akhan ki adí i Zerah in doí dinumudui kon parenta i Tuhan soaḷ pakakat mita inta musti ḷoḷangon, bo onu in nobaḻí? Bayongan umat in Israel i hukum! Bokaka inta dinosa in tongábí ki Akhan, táe inta minatoi in deemanbí tongá sia-sia mita!”