YOSUA 6:25 - Alkitab Singog In Mongondow Masa In Tanaa

²⁵ Táe ki Rahab bobay sundaḷ tatua takin bayongan ginaḷumnea in pinomayádon mako i Yosua nobiag, sin sia in notuḷungdon kon toimatanea doyowa inta pinotabánea namangoi in Yerikho. (Dapot in singgai in naa buí i Rahab oyúonpabí in kon Israel.)

YOSUA 6:25 ပူးပေါင်းရင်းမြစ်များ

OUMAN IN RASUL MITA 2:21

Kon singgai tatua ki ine in mokuani kon tangoi i Tuhan mosia in posaḷamaton.’

IBRANI 11:31

Popisí in oyúon in pirisaya, dá ki Rahab, bobay sundaḷ tua in diábí kinoḻimodan noyotakin in intau mita inta noḷawang kon i Allah; popisí in nopia totok in pinototomunea kon totabá mita in intau Israel.

YAKOBUS 2:25

Natua doman in ki Rahab, bobay sundaḷ tua. Sia sinarima nopia i Allah popisíbí in oaidnea, wakutu in sinarimanea kon baḷoinea in totabá mita intau Israel bo sinuḷungannea pinoḷagui in mosia nongin daḷan ibanea.

YOSUA 2:1

Onda intua nongkon pinononḷoḷaigan kon Sitim, ki Yosua nopotabá in toimata doyowa minayá in Kanaan. Toimata doyowa tatua pinotabá monaridi kon butá in Kanaan takin umado-adop, totok moponting kon tua in kotá in Yerikho. Dá minayá in mosia kon kotá tatua, bo nongandupdon in mosia kon baḷoi in bobay inta sundaḷ tobatú, ki Rahab in tangoinea.

YOSUA 2:18

Tongá naa in musti aidanmu. Aka kami bo monubudon kon butámu tanaa, yo popotogotdon in tontogot nopura tanaa kon jandela inta pinonuntunanmu kon inami tanaa. Ki amá bo ki inámu, ki utatmu mita bo bayongan in ginaḷum i amámu sipunmudon kon baḷoimu tanaa.

YOSUA 2:4

“Totuubí kon oyúonbí in intau namangoi in baḷoiku,” tubag i Rahab, “tongá diábí kinotaauanku mongo nongkon onda in mosia. Mosia in minayádon kon tungkuḷ in noungkuḷomdon kon dodai in ḷoḻingkop in kotá diápa iḻingkopan. Bo diá doman iḻibóku mongo mayá in onda in mosia, táe aka ḷagi batukon in mosia, dá degá kobatukanpabí.” (Bokaka toimata doyowa tatua in binunidon i Rahab kon bontuyungan in wawa kon ḷuntung in baḷoinea.)

YOSUA 4:9

Kon yua-yuak doman in ongkag in Yordan tatua, ki Yosua nopoyoguntuḷ in batu mopuḷú bodoyowá noitongkaná kon tampat inta sinindogan in imang mita inta nomotaan kon Poti Dodandian tatua. (Batu mita tatua umuranpa doman oyúon dapot in tanaa mako.)