YOSUA 6:21 - Alkitab Singog In Mongondow Masa In Tanaa

²¹ Bayongan intau kon kotá tatua, noguod noguyang, ḷoḷaki bobay, komintan iḻimod in pitow. Bayongan in bobiagon sapi, domba bo keledai sinoko ḻimod doman.

YOSUA 6:21 ပူးပေါင်းရင်းမြစ်များ

DATU MITA IMITÁNEA 20:42

Dá ki Nabi tatua in nogumandon kon i datu, “Naadon inta pinoguman i Tuhan: ‘Intau inta pinoki ḻimod-Ku aindon biniómu mako in minayá. Tuamai iko in mustibí matoi mobaḻí toḻiunea. Tontaramu in morimumudbí popisí in pinomayámudon mako in musung noḷagui.’ ”

YEREMIA 48:18

Ei intau in Dibon, poponagdon nongkon tampatmu inta ihoromat; ḻitúdon kon butá bo kon tudu in ḷobud. Sin ki inta momoguyaat kon butámu in noiyaputdon, bo morimumud kon bayongan in dindingmu.

ULANGAN 13:16

Bayongan kapunyaan in intau mita inta nogutun kon tua musti sipunon bonturungon kon lapangan, bo kotá takin bayongan kapunyaannea in pokakon mobaḻí kuruban kon i Tuhan Allahmu. Mopaḷut mako kon tua pomayádon mako intua mobaḻí utag in pinomokakan bo diádon motaau posindogon bui.

ULANGAN 2:34

Kon dodai doman intua inagow naton bo irimumud in bayongan kotá, bo noḻimod kon bayongan intau inta nogutun kon tua, ḷoḷaki bobay bo adí mita. Diádon tobatúmai in sinaḻiban.

ULANGAN 7:16

Batúan in bangusa inta pinosarakan i Tuhan Allahmu kon bonu in kawasa mu musti yopúon monimu; dika mopoontong in tabi kon i monia. Dika mosumba kon ilah mita monia, sin aid mita natua mokopoangoi kon bodito kon inimu.

YOSUA 10:28

Singgai tatua ki Yosua nonubu kon Makeda, bo poḷat nonaḷow kon kotá tatua takin datu monia. Bayongan in intau kon kotá tatua iḻimodnea; diá tobatúmai in pinomayá mako nobiag. Inaidanmai i Yosua in datu in Makeda tatua ná doman pinogogaidnea kon i datu in Yerikho.

YOSUA 10:39

Kotá tatua bo datunea bo bayongan in kotá inta noyodiugmai kon tua inagow i Yosua. Bayongan in intau kon tua iḻimod. Inaidanmai i Yosua in Debir bo datunea ná pinogogaidnea kon Hebron bo Libna takin datunea.

YOSUA 11:14

Bayongan in intau kon bonu in kotá tatua iḻimod; diá in tobatúmai in pinomayá mako nobiag. Táe bayongan in pakakat mita inta koboḻi bo bobiagon monia in ginamá in intau in Israel nobaḻí kapunyaan monia.

YOSUA 8:2

Ai bo datunea in musti aidanmu ná pinogogaidmu kon Yerikho bo datunea koḻipod. Táe tanaa in barangnea mita bo bobiagonnea in motaaudon gamáanmu mobaḻí kapunyaanmu. Posadiadon in mayá monubu kon kotá tatua taḻikokogan nongkon tumi.”

YOSUA 9:3

Táe intau mita in Gibeon inta nongkon bangusa in Hewi ain nokodongog kon onu inta pinomia i Yosua kon Yerikho bo Ai.

WAHYU 18:21

Onda intua, tobatú malaekat inta moropot, nobingkat kon tobatú batu inta ná koḷoben in giḻingan, bo pinogambatnea kon bonu in dagat bo poḷat noguman, “Pomiaan natua in kotá in Babel inta moḷoben tua, pogambat koropoton sahingga in diádon bui ontongon.

SAMUEL 1 15:3

Dá bayá bo tubudon in intau in Amalek bo rimumudon in bayongan kapunyaan monia. Dikabí taḷaanmai in onuka; ḻimodon in bayongan intau ḷoḷaki, bobay, mongoadí mita bo adí mointok; takin doman sapi, domba, unta bo keledai.”

SAMUEL 1 15:8

Bayongan in rayat bo tontara in intau in Amalek iḻimod i Saul. Táe ki Agag datu in intau in Amalek in dinomok bo pinomayá mako i Saul takin tontaranea nobiag, natua doman in bayongan domba bo sapi inta totok in mongopia, ki adí in sapi bo ki adí in domba inta totok in noḷongó, bo bayongan in onu inta koboḻi; tongábí bobiagon inta diá in mangaḻenea bo inta diá koboḻi tua in iḻimod.