YOSUA 6:20 - Alkitab Singog In Mongondow Masa In Tanaa

²⁰ Bo imang mita nogirupdon kon torompetnea. Bo naonda in kinodongogan in intau mita in Israel in torompet tatua, mosia norogiow noropot totok, bo dinding in kotá in Yerikho norumbun. Bayongan in tontara in Israel baḷúdon noponik, bo sinumuot in kotá tatua bo nogagow.

YOSUA 6:20 ပူးပေါင်းရင်းမြစ်များ

TAWARIKH 2 13:15

bo tontara in Yohuda nopobaḷúdon in yandow in parang bo minayá noparang, sinongganutan i Abia. Koyogot in mosia momaḷú, ki Allah nonaḷow kon i Yerobeam bo tontara in Israel

ZEPANYA 1:16

Kinoouput in singgai tatua kodongogan singog in torompet bo kokow in parang nongkon intau mita mopoparang inta nonubu kon kotá mita inta sinokodinding bo oyúon in ḷangkeang mita poḷoḷukadan inta mongoḷantud.

IBRANI 11:30

Popisí in nopirisaya, dá norumbunbí doman in intau Israel in dinding Yerikho wakutu in iḻibu monia pitu nosinggai.

YOSUA 6:5

Onda intua imang mita tatua musti mogirup kon torompetnea koonggoton. Naonda in kodongogan monimu in singognea inta moonggot tua, bayongan in tontara musti morogiow koropoton totok, dá dinding in kotá tatua in moumpagdon. Bo moiko komintan in baḷúdon tumuot kon kotá tatua.”

SAMUEL 1 4:5

Naonda in Poti Dodandian tatua nodapot kon pinononḷoḷaigan, norogiowdon noropot in intau in Israel, nodapot in nodandú in butá.