YOSUA 6:11 - Alkitab Singog In Mongondow Masa In Tanaa

¹¹ Natuata in pinogogator i Yosua kon tontaranea mita nodia kon Poti Dodandian noḻibu kon kotá tatua tosinggai in komintan, onda intua mobuidon kon pinononḷoḷaigan, bo mogogai kon tua.

YOSUA 6:11 ပူးပေါင်းရင်းမြစ်များ

YOSUA 6:10

Bayongan in tontara pinarentaandon kon diá morogiow bo diábí moposingo-singog aka diápa in ki Yosua mobogoi in parenta.

YOSUA 6:12

Nopoikoḷomai kon singgai, subupa totok, ki Yosua nobangon bo kon induaneadon in imang mita takin tontaranea mita nopipid noḻibu kon kotá tatua kon bonu in pipidan ná singgai dungkuḷ: Kon dungkuḷ totok in pipidan pongawal kon muna, dinuduian in imang pitu inta mogogirup kon torompet, bo dinuduian in imang mita inta nomotaan kon Poti Dodandian, bo sinimpodan in pipidan pongawal kon tumi. Bo torompet umuran inirup.

YOSUA 6:14

Kon singgai nogindua mosia in noḻibudon bui kon kotá tatua komintan bodongka nobui kon pinononḷoḷaigan. Natuata in inaidan monia kon bonu in onom nosinggai.

YOSUA 6:3

Iko takin tontaramu in musti mopipid moḻibu kon kotá tatua muḷoi in singgai komintan kon bonu in onom nosinggai.