YOSUA 5:13 - Alkitab Singog In Mongondow Masa In Tanaa

¹³ Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”

YOSUA 5:13 ပူးပေါင်းရင်းမြစ်များ

KINOBAḺIAN 18:1

Ki Tuhan nokipogontong kon i Abraham kon diug in pangkoi kayu mita mokaramat inta tampat pososumbaan kon Mamre. Tungkuḷ intua singgai totok in mopatú, bo ki Abraham ḻimitú mako kon ngara in ḷoḷaigannea.

KINOBAḺIAN 18:2

Naonda in sia dinumungádon monik, sia in nokoontong kon intau taya toḷu sinimindog kon tayowonnea. Ki Abraham in baḷú noribatuk sin monontomu kon i monia tua. Takin sinumungkud

KINOBAḺIAN 28:16

Bo ki Yakub in nobangondon nongkon pinosiugannea bo noguman, “Ki Tuhan oyúon kon naa, kon tampat tanaa, táe bain tanaa bo kinotaauanku!”

KINOBAḺIAN 33:1

Ki Yakub nokoontong kon i Esau namangoi takin intaunea opat nogatut. Tuamai sinilainea in ki adínea mita kon i Lea, kon i Rahel bo kon i buḷoinea inta bobantungnea doyowa tua.

KINOBAḺIAN 33:5

Naonda in ki Esau nokoontong kon bayongan bobay takin adí mita tatua, sia in noḻibó, “Ki ine in mosia inta noyotakinmu tanaa?” “Mosia naa in ki adíku mita,” tubag i Yakub, “Ki Allah ain noponotabi in adí mita tatua kon inakó.”

TAWARIKH 1 12:22

Gogió bo muḷoi in singgai oyúon in intau mobagu inta dumugang kon i Daud, dá diádon noonggot kon tua bo tontara i Daud in nobaḻídon nobayong totok.

TAWARIKH 1 21:27

Bo ki Tuhan in nopotabá in malaekat tatua notungkog bui kon pitownea, dá dinuduian doman in malaekat tatua in parenta i Tuhan tua.

TAWARIKH 1 21:30

Táe diá mokobaḻí in ki Daud mayá intua mongonguman takin i Allah, sin moondok in sia kon kedang in malaekat i Tuhan.

IḶUAIAN 23:23

Malaekat-Ku in umuna kon i monimu mayá in butá in bangusa Amori, Het, Peris, Kanaan, Hewi bo Yebus, bo mosia in yompaton-Ku.

DANIEL 10:5

Akuoi in iḷumangag, bo inontongku in intau tobatú inta nogiḷambung nongkon linen bo baan nongkon buḷawan taakan.

DANIEL 8:3

bo kon bingkí in ongkag tatua inontong in domba koḷakian tobatú inta tungoinea in doyowa mongobanat, tobatú in mobana-banat bo mobagu-bagu kon inta ibanea.

ZAKHARIA 1:8

akuoi in nokoontong kon malaekat i Tuhan in sinumakoi kon kabaḷo nopura tobatú. Sia in sinumogon kon ḷopá tobatú kon sigad in pangkoi mita in murad. Kon tumineamai sinimindog doman in tongonumai in kabaḷo ibanea, oyúon in nopura, inta nokasumba, bo inta nobudó.

PINOGIAPAN 22:23

Nokoontongmai kon malaekat inta sinimindog kon tua kokada-kadai in pitow inta ain sinonggó, keledai tatua sinumabat kon daḷan, bo nomurow sinumuot in gobá. Binout i Bileam in keledai tatua bo dinianea bui pinobayá in daḷan.

PINOGIAPAN 22:31

Bo binukádon i Tuhan in mata i Bileam dá inontongneadon in malaekat i Tuhan sinimindog kon tua kokada-kadai in pitow inta ain sinonggó. Dá baḷúdon in ki Bileam dinumokó bo nosumba.

OUMAN IN RASUL MITA 1:10

Bo ḷumangagpa mako in mosia sin moindoi kon kinoonikan i Yesus, yo indoianmai doyowa intau inta nogiḷambung nobudó noisindogbí magí kon diug monia,

YOSUA 6:2

Ki Tuhan noguman kon i Yosua, “Tanaa ogoi-Kudon kon inimu in Yerikho takin datu bo bayongan in rayatnea inta mongobarani tatua.

WAHYU 1:13

Kon yua-yuak in sioḷ mita pototuduan kon togá tatua, inontongku in naonda bo intau. Sia in nogi jubah moḷanggó noidapot in sioḷ. Kon dodob-Nea oyúon in oḻingoi in dodob inta pinomia nongkon buḷawan.

HAKIM MITA 13:11

Bo ki Manoah ḷagidon dinumudui kon i buḷoinea. Sia dinimiug kon intau tatua bo noḻibó, “Ki Tuangdon degá inta nodia kon habar kon i buḷoiku?” “Totuu,” tubagnea.

HAKIM MITA 13:22

Bo ki Manoah in noguman kon i buḷoinea, “Matoidon in kita sin kita in nokoontongdon kon i Allah!”