YOSUA 4:19 - Alkitab Singog In Mongondow Masa In Tanaa

¹⁹ Umat in Israel nodapot kon ḷoḷan Ongkag in Yordan bo kon singgai noginpuḷú buḷan imitánea, bo mosia nononḷoḷaigan kon Gilgal kon dotá in pomukaan kon Yerikho.

YOSUA 4:19 ပူးပေါင်းရင်းမြစ်များ

DATU MITA 2 2:1

Noiyaputdon in wakutunea ki Tuhan modia kon i Elia mamonik in soroga pongin uḷu in tompot. Kon dodai intua ki Elia bo ki Elisa in nobuatdon nongkon Gilgal,

AMOS 4:4

Ki Tuhan Inta Totok in Moḷantud in noguman, “Ei umat in Israel! Bayádon kon pooibadaan kon Betel, bo pogaidon kon dosa kon tua! Bayádon in Gilgal, bo pogaidon kon dosa kinoibog in ginamu! Kumudungdon in moposumba in kuruban pomuḷoi in doḷo-doḷom, bo modia kon mopuḷú noporosen nongkon bayongan inta nouḻímu pomuḷoi in toḷu nosinggai!

AMOS 5:5

Dika mayá in Bersyeba sin moibada. Dika motayak kon i-Nakó kon Betel, sin Betel in moinggamábí. Dika doman mayá in Gilgal, sin intau kon kotá tatua in akutonbí pobayá in poḷumbúan.”

MIKHA 6:5

Umat-Ku, toropdon onu in sinomayá i Balak datu in Moab kon inimu, bo onu in sinubagan i Bileam ki adí i Beor kon inia. Toropdon onu in nobaḻí kon binayáan kon sigad in ḷoḷaigan kon Sitim bo kon Gilgal. Aka kotoropan monimu komintan intua, yo kotaauandon monimu onu inta ain inaidan-Ku sin moposaḷamat kon i monimu.”

ULANGAN 1:3

Kon singgai noginmitá kon buḷan mopuḷú bo mita kon taong noginggopat nopuḷú naonda in mosia nonaḷámai kon Mesir, ki Musa nopotaau kon bangusa tatua in bayongan inta pinoki potaau i Tuhan kon monia.

ULANGAN 11:30

Buḷud doyowa tatua noiukat kon dotá in toyopan kon Ongkag in Yordan kon butá intau in Kanaan inta nogutun kon Ḷopá in Yordan, sinumayow kon toyopan diá noyayú nongkon pangkoi mita in kayu tampat pooibadaan kon More kon diug in kotá in Gilgal.)

YOSUA 10:43

Nopaḷut mako kon tua, ki Yosua nobuidon takin in tontaranea kon pinononḷoḷaigan kon Gilgal.

YOSUA 10:6

Intau mita in Gibeon nopotaau in habar tanaa kon i Yosua inta kon pinononḷoḷaigan kon Gilgal, “Dika pomayá mako in kami tontaní, Tuang! Ḷagidon angoi bantungai in kami, sin tontara nongkon bayongan datu in Amori kon buḷud ain noyodondon sin monubu kon inami!”

YOSUA 15:7

onda intua minayá ná Ḷopá in Roriga nodapot kon Debir, bo nomurow bui ná utuan nopobayá ná Gilgal kon tampat inta noyogintayow in oyuk mita in buḷud kon Adumim kon dotá in toḷatan in ḷopá tatua. Nongkon tua minayá bui muik kon bokaká in tubig En-Semes, bodongka nopobayá ná En-Rogel,

YOSUA 24:11

Onda intua moiko iḷumoḷan kon Ongkag in Yordan, bo nodapot kon Yerikho. Intau mita in Yerikho nonubu kon i monimu, natua doman intau in Amori, intau in Peris, Kanaan, Het, Girgasi, Hewi bo intau in Yebus. Táe Akuoi nopountung kon i monimu nongkon i monia komintan.

YOSUA 4:18

Naonda in yaput in imang mita tatua kon bingkí in ongkag, tubig in ongkag tatua buidon noiḻig bo noiḻebetdon ná dungkuḷ.

YOSUA 5:10

Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua.

YOSUA 5:9

Ki Tuhan noguman kon i Yosua, “Singgai in naa kinohinaan monimu nobaḻí ata mita kon Mesir ininggamáan-Kudon.” Tuamai tampat tatua sinangoian Gilgal dapot in tanaa.

YOSUA 9:6

Natua in kaadaan monia bo minayá nokipodungkuḷ kon i Yosua kon pinononḷoḷaigan kon Gilgal bo noguman kon inia bo kon intau mita in Israel, “Kami in namangoi nongkon butá inta moyayú sin momia kon dodandian takin i Tuang mita.”

SAMUEL 1 10:8

Mopaḷut mako kon tua iko in musti mayá in Gilgal bo mogoḷat kon tua pitu nosinggai. Bain mamangoi in akuoi sin moposumba in kuruban payongon bo kuruban dodamean, bo mopotaau kon inimu onu in musti pomiaanmu.”

SAMUEL 1 15:33

Táe ki Samuel noguman, “Ná doman onda bo pitowmu inta nokopopisí kon nobayong in guyanga bobay kinobuḻian in adí monia, yo natua doman in ki inámu kobuḻian i adínea.” Bo ki Samuel nonibat kon i Agag nodapot in minatoi kon tayowon in mezbah kon Gilgal.