YOSUA 3:4 - Alkitab Singog In Mongondow Masa In Tanaa

⁴ táe dika totok in dimiug kon Poti tatua, dudui nongkon tuminea tongá sigad monimu dapot in Poti tatua in tongo kilodon in koyayúnea. Dá kotaauandon monimu in daḷan inta bayáan monimu, sin moiko in diápa dodai in onda minayá in butá tanaa.”

YOSUA 3:4 ပူးပေါင်းရင်းမြစ်များ

KINOBAḺIAN 31:2

Inontong i Yakub kon ki Laban in diádon ná koḻipod in kopopianea kon inia.

TAWARIKH 1 11:2

Nongkon koḻipodpabímai, sedang bo kon dodaipabí in ki Saul nomarentapa kon inami, ki Tuang Datubí in nobaḻí itoi in tontara in Israel pomuḷoi in mayá moparang. Apa doman ki Tuhan Allah i Tuang Datu in nodandidon kon ki Tuang Datubí in mobaḻí itoi in umat-Nea bo mobaḻí datu monia.”

MAZMUR 25:12

Ki Tuhan in motundú kon intau inta mopirisaya in daḷan inta musti bayáan monia.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

IḶUAIAN 19:12

Pogaidon kon tomponuot kon ḻibu in buḷud tanaa mobaḻí tomboinig inta diá motaau taḻiban in bangusa tatua. Imaḷowaidon in bangusa tanaa in motakod kon buḷud, modapot in dimiug. Ki ine in tumaḻibdon kon sigadnea, yo hukumon matoi;

IḶUAIAN 3:5

Bo ki Allah noguman, “Dika mokopodiug. Bukádon aip in sioḷmu, sin iko in sinimindog mako kon butá inta motusi.

IḶUAIAN 4:10

Táe ki Musa in noguman, “O, Tuhan, akuoi naa intaubí inta diá motoḻindat in mosingog, koḻipod ande masai naa, naonda in ki Tuhan nosingog kon inakó. Mobogat in diláku, moḷaḷoi bo diá motoḻindat.”

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

YESAYA 48:17

Guman i Allah mokudus in Israel, Mopoposaḷamatmu, “Akuoibí in ki Tuhan Allahmu, inta notundú kon inimu onu in baraguna kon inimu, bo nodia kon inimu mongin daḷan inta musti bayáanmu.

YOSUA 3:3

bo nopotaau in parenta tanaa kon umat in Israel, “Aka ontongon monimu kon imang mita momotaandon kon Poti Dodandian i Tuhan Allahmu, yo moiko in mobuat domandon monaḷámai kon tampat pinononḷoḷaigan tanaa. Duduidon kon Poti tatua,

YOSUA 3:5

Ki Yosua noguman kon umat in Israel, “Moiko in musti mopotusi in awak, sin ikoḷom in ki Tuhan mogaid kon inta mokoherang kon yua-yuakmu.”