YOSUA 24:29 - Alkitab Singog In Mongondow Masa In Tanaa

²⁹ Noiduduimai kon tua ki Yosua adí i Nun mogogundoi i Tuhan tua, minatoi kon dodai in umurdon mogatut bo mopuḷú notaong.

YOSUA 24:29 ပူးပေါင်းရင်းမြစ်များ

KINOBAḺIAN 50:22

Ki Yusup umuran nogutun kon Mesir takin i utatnea mita; sia in nobiag dapot in umur mogatut bo mopuḷú notaong.

KINOBAḺIAN 50:26

Onda intua minatoidon in ki Yusup kon Mesir kon dodai in umurdon mogatut bo mopuḷú notaong. Mosia in nonompia kon mayat tatua takin nomaké in bahan mita inta biasamai pakéon kon intau minatoi. Bahan mita tatua binonu monia kon poti intau minatoi.

MAZMUR 115:17

Ki Tuhan in diábí dinayow in intau minatoi, in intau inta ain noponag kon tampat inta noingongow.

ULANGAN 34:5

Bo minatoidon in ki Musa inta mogogundoi i Tuhan tua kon butá in Moab, ná inta munadon pinoguman i Tuhan.

YOSUA 24:28

Nopaḷut mako kon tua ki Yosua nopotabádon kon intau mita tatua nobui; bo mosia nobuidon kon butá kapunyaan monia tontaní.

YOSUA 24:30

Sia iḷobong kon butá kapunyaannea tontaní kon Timnat-Serah kon Buḷud in Epraim kon dotá in utuan kon Buḷud in Gaas.

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”

HAKIM MITA 2:8

Ki Yosua adí i Nun – mogogundoi i Tuhan tua – minatoi kon dodai in umurdon mogatut bo mopuḷú notaong.

HAKIM MITA 2:9

Sia iḷobong kon butá tonsilainea tontaní, inta Timnat-Serah butá inta kon buḷud in Epraim kon dotá in utuan kon Buḷud in Gaas.