YOSUA 24:23 - Alkitab Singog In Mongondow Masa In Tanaa

²³ “Aka natua, yo ḷumbúdon in ilah mita in bangusa ibanea inta nion kon inimu,” guman i Yosua, “bo podandidon kon moiko in mosatiabí kon i Tuhan, Allah in Israel.”

YOSUA 24:23 ပူးပေါင်းရင်းမြစ်များ

DATU MITA IMITÁNEA 8:57

Igumon mako in ki Tuhan Allah naton in koyota-yotakin naton ná doman kon mogoguyang naton. Igumon mako in diá taḷaan-Nea in kita.

DATU MITA IMITÁNEA 8:58

Igumon mako in baḻíon-Nea in kita intau mita inta mosatia kon i-Nia sinbá kita in umuran mobiag podudui in ibog-Nea bo motoindudui kon bayongan in hukum bo parenta inta ain inogoi-Nea kon mogoguyang naton.

MAZMUR 119:36

Ogoiaidon in akuoi in ibog dumudui kon atorang-Mu, moiḻiu kon ibog mobaḻí mooyúon.

MAZMUR 141:4

Poyayúdon in akuoi kon ibog mogaid kon inta moraat. Dikabí pomayá mako in akuoi in moyokapung in intau moromú bo mongaan moyotakin kon bobutungan monia.

MAZMUR 81:10

Dikabí in oyúon in kon sigadmu in ilah ibanea, dikabí mosumba kon ilah ibanea.

IḶUAIAN 20:23

Dika mogaid kon i monimu in patong mita saḷaka ande buḷawan sin sumbáan monimu ponoḻindua kon i-Nakó.

AMSAL 2:2

Tondudut onda inta mobijaksana bo poḷongasi monotaau kon tua.

HOSEA 14:8

Mosia in mobuibí mangoi kon i-Nakó bo mogutun kon bonu in siungon-Ku. Totokbí in motoyong kotomomanan monia, naonda bo gandum inta mobiag kon gobá inta noḷumbá bo naonda bo gobá in anggur. Naonda bo tubig in anggur in Libanon tangoi monia in ponango-nangoiandon.

YOSUA 24:14

“Dá, tanaa,” ki Yosua noguman doman nanaa, “horomatonbí in ki Tuhan. Pogundoidon kon i-Nia takin gina motuḻid bo mosatia. Ḷumbúdon in toḻindua in Tuhan inta sinumba in mogoguyangmu koḻipod kon Mesopotamia bo Mesir. Tongádon ki Tuhan in pogundoian.