YOSUA 23:7 - Alkitab Singog In Mongondow Masa In Tanaa

⁷ Aka natua dá moiko in diádon moyobauk in bangusa mita inta nogutunpa kon sigad monimu. Moiko in diábí monangoi kon tangoi in dewa mita monia ande mongibot podoyon kon tangoi tatua. Bo moiko in diábí doman moibada ande tumungkud kon tayowon in dewa mita tatua.

YOSUA 23:7 ပူးပေါင်းရင်းမြစ်များ

DATU MITA 2 5:18

Aka pakisadon in akuoi mayá moyotakin i datu sin mosambayang kon kuil i Rimon dewa in Siria, yo poigumon mako ampungan i Tuhan in akuoi.”

TAWARIKH 2 7:19

Táe aka iko bo rayatmu in ḻimimpat kon hukum mita bo parenta-Ku mita bo poḷat mosumba kon ilah mita ibanea,

MAZMUR 16:4

Biódon mako in intau inta mosumba kon dewa mita moduga-dungangdon in ajar in ginanea. Akuoi in doíbí mobogoi in kuruban kon dewa mita, nodapotbí in doí monangoi kon tangoi monia.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

IḶUAIAN 23:13

Pononggina mako in bayongan inta ain pinoguman-Ku kon inimu. Dika mosumba kon ilah mita ibanea, modapot in tongá monangoi kon tangoinea diábí motaau.”

IḶUAIAN 23:33

Dika pomayá mako monimu intau mita tatua mogutun kon butámu, sinbá moiko diá moidudui kon i monia mosumba kon ilah mita monia bo baradosaandon kon i-Nakó. Aka moiko mosumbadon kon ilah mita monia, yo moiko in noituotdon kon poyogaḷap inta mokopatoi.”

AMSAL 4:14

Dika dumudui kon kobobiag in intau moraat, bo dika dumayan kon oaid monia.

YEREMIA 12:16

Aka mosia takin ḻimbatú in gina moibog motarima kon agama in umat-Ku bo moibog mongibot takin moguman, ‘Podoyon kon i Tuhan inta nobiag,’ – ná koḻipod in mosia notundú kon umat-Ku nongibot pinodoyon kon Baal – dá mosia in moidugangdon kon umat-Ku bo mobaḻí mooyúon.

YEREMIA 5:7

Ki Tuhan in noguman, “Nongonu sin Akuoi in mustibí mongampung kon dosa mita in umat-Ku? Mosia in nonaḷámaidon kon i-Nakó bo nosumba kon inta deeman Allah. Akuoi in nobogoi in kaanon kon i monia nodapot in mosia nobotug, táe mosia in nonuaḻingbí, bo mokakit in mayá mokipodungkuḷ kon sundaḷ mita.

HOSEA 2:17

Diá bidon ogoi-Ku in sia in monangoi bui kon tangoi in Baal, dá koḻiongandon in intau in tangoi tatua.

ZEPANYA 1:5

Daiton-Kubí kaitan in ki inekabí in moponik kon atop sin mosumba kon mata in singgai, buḷan bo tundi mita. Yompaton-Kubí doman mosia inta nosumba kon i-Nakó bo inta nongibot motoindudui kon i-Nakó, táe nongibot doman pinodoyon kon tangoi i Dewa Milkom.

PINOGIAPAN 32:38

Nebo, Baal Meon, bo Sebam. Kotá mita inta pinosindog bui monia tua binaḷuiandon monia in tangoinea.

PINOGIAPAN 33:55

Táe aka intau kon ḻipú tatua bo diá poguntunon monimu, yo intau mita inta umuran nogutun kon tua in mopororigamaidon kon i monimu naonda bo bungaion kon mata monimu andeka naonda bo dugi kon sioḷmu. Bo kon singgai moiduduimai mosiadon tua in monubu kon i monimu.

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

ULANGAN 10:20

Horomatbí in ki Tuhan Allahmu bo poibadadon tongá kon i-Nia. Moiko in musti umuran mokoposatia kon i-Nia bo mongibot tongá podoyon kon tangoi-Nea.

ULANGAN 6:13

Horomat in ki Tuhan, Allahmu bo kosundudon kon i-Nia tontaní, bo aka moiko mongibot, yo aidai intua tongá podoyon kon tangoi-Nea.

ULANGAN 6:14

Dika mosumba kon ilah mita ibanea inta sinumba in bangusa mita ibanea inta nogutun kon diugmai monimu.

YOSUA 23:12

Aka moiko bo diá mosatia bo moyobaukdon in bangusa mita inta nogutunpa kon sigad monimu, bo moiko in motonibuḷoi monia,

YOSUA 23:8

Moiko in mustibí umuran mosatia kon i Tuhan, ná inta ain inaidan monimu dapot in tanaa.