YOSUA 23:16 - Alkitab Singog In Mongondow Masa In Tanaa

¹⁶ Aka moiko ḻimimpat kon dodandian inta ain pinarenta i Tuhan Allahmu kon inimu sinbá duduian, bo moiko mayá moibada kon toḻindua mita in Tuhan bo poḷat mosumba kon toḻindua mita in Tuhan tua, dá tumorú in ki Tuhan, bo mohukum kon i monimu. Diábí moonggot bo moiko komintan moyopú nongkon butá inta mopia naa, butá inta inogoi i Tuhan kon inimu.”

YOSUA 23:16 ပူးပေါင်းရင်းမြစ်များ

DATU MITA IMITÁNEA 14:15

ki Tuhan in mohukumbí kon Israel dá modandúdon ná tampiring kon bonu in tubig. Ki Tuhan in morabutbí kon rayat in Israel bo nongkon butá inta mopia tanaa inta inogoi-Nea kon mogoguyang monia. Sia in moporaritbí kon i monia kon ḷoḷan in Ongkag in Eprat, sin mosia in nopomukádon in torú-Nea sin nomia kon patong mita i dewi Asyera.

DATU MITA IMITÁNEA 9:6

Táe aka iko bo buímu monoḻikud kon i-Nakó bo diá motoindudui kon bayongan in hukum bo parenta-Ku poḷat doman in iko mosumba kon ilah mita ibanea,

DATU MITA IMITÁNEA 9:7

dá poguntunon-Ku in umat-Ku Israel nongkon butá inta ain inogoi-Ku kon i monia. Taḷaan-Ku domandon in baḷoi tanaa inta ain sinantú-Ku mobaḻí tampat pososumbaan kon i-Nakó. Kon ondakabí in intau in Israel singkuḻeonbí bo kosingan.

DATU MITA 2 17:7

Samaria in noḷabú sin intau in Israel binaradosa kon i Tuhan, Allah monia, inta ain noposaḷamat kon i monia nongkon datu in Mesir bo nodia kon i monia iḻumuai nongkon butá tatua. Mosia in nosumba kon ilah mita ibanea

DATU MITA 2 24:20

Ki Tuhan in sinumorú totok kon intau mita in Yerusalem bo intau in Yohuda dá diádon inindoian-Neamai in mosia.

YESAYA 24:5

Butá mobaḻí mokotor popisí in intaunea iḻimimpat kon parenta mita i Allah, nomaḷui kon inta ain sinantú-Nea mita bo nonoḻikud kon dodandian inta pinomia-Nea noyotakin monia modapot in mononoi.

YEREMIA 32:23

Táe naonda in mosia namangoi in butá tanaa bo nogagow, mosia in diábí notoḷutui kon parenta-Mu mita, bo diá nobiag podudui in totundú-Mu mita. Bayongan inta pinarenta-Mu kon i monia diá tobatúmai in inaidan monia. Tuamai in pinopoangoi-Mu in bayongan bodito tanaa kon i monia.

YEREMIA 32:24

Intau mita in Babel ain noposindog in dinding mita pongopungan kon ḻibu mita in kotá sin mogagow, bo tanaa mosia in nonubu. Parang, gogoy, bo yampoi in takit in mokopopisí kon kotá tanaa moḷabú kon ḻima monia. Iko in nokoontong kon bayongan inta pinoguman-Mu in noniatadon.

PINOGIAPAN 33:56

Aka diá poguntunon monimu in mosia, yo yopúon-Ku in moiko ná tomayá-Ku kon i monia.”

ULANGAN 17:3

bo parenta-Nea takin nosumba bo nogundoi kon ilah mita ibanea ande kon mata in singgai, buḷan ande tundi mita,

ULANGAN 28:15

“Táe aka moiko diá motoindudui kon i Tuhan Allahmu, bo diá doman mosatia in mopoaid kon bayongan parenta bo hukum-Nea inta pinotaauku kon inimu singgai naa, dá bayongan in kutuk tanaa in moiuma kon i monimu:

ULANGAN 6:15

Aka moiko mosumba kon ilah mita ibanea, dá moiko in umuranbí kotugatan in torú i Tuhan Allahmu bo yopúon-Nea komintan, sin ki Tuhan Allahmu inta kon sigad monimu nion in doíbí potongkaion in onuka.

HAKIM MITA 2:20

Manangka intua ki Tuhan sinumorúdon totok kon umat in Israel, bo noguman, “Akuoi in nogumandon kon mogoguyang in bangusa tanaa sinbá umuran kumadai kon dodandian-Ku takin i monia. Táe bangusa tanaa in nomontowdon kon dodandian tatua; mosia in iḻimimpat kon parenta-Ku.

SAMUEL 1 12:25

Táe aka moiko umuran doman momia kon dosa, dá moiko bo datumu in moyopúbí.”