YOSUA 23:14 - Alkitab Singog In Mongondow Masa In Tanaa

¹⁴ Tanaa in wakutukudon matoi. Moiko komintan, in nonotaaudon totu-totuu kon ki Tuhan Allahmu ain nobogoi kon inimu in bayongan inta mopia inta pinodandi-Nea. Bayongan inta pinodandi-Nea ain inintompodan-Nea, diá tobatúmai in kinoḻiongan-Nea.

YOSUA 23:14 ပူးပေါင်းရင်းမြစ်များ

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

DATU MITA IMITÁNEA 2:2

“Wakutukudon matoi in naa. Pokoyakin bo pokobarani in iko.

DATU MITA IMITÁNEA 8:56

“Dinayo-dayowdon in ki Tuhan inta ain nobogoi in kobiagan notompia kon umat-Nea ná inta pinodandi-Nea pinongin i Musa mogogundoi-Nea. Bayongan inta mopia inta pinodandi-Nea ain inintompodan-Nea.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

MOHOHUTUBA 12:5

Iko moondok in motakod kon tampat moḷantud bo musti umuran mokopoingat in mayá. Buokmu in ubanandon bo sioḷmu in moipape kon dodai in mayá. Dá mobuḻidon in bayongan gina bo ibog. Kita in mopobayá in tampat pogogutunan naton inta imbuitnea, intau mita mononogumatoi bo mogamui kinoouput in bayáan.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

LUKAS 21:33

Ḷangit bo butá in diábí mononoi, táe singog-Ku in mononoibí.”

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.

SAMUEL 1 3:19

Ki Samuel nodugangdon nointoi. Ki Tuhan umuran koyota-yotakinnea bo noponiatadon kon bayongan in onu inta siningog i Samuel.