YOSUA 22:6 - Alkitab Singog In Mongondow Masa In Tanaa

^6-9 Onda intua ki Yosua nomarakat bo poḷat nopotabá kon i monia nobui minayá kon butá monia takin koyow, “Tanaa in moiko nobiagdon nooyúon bo moiko nobui takin nodia kon bobiagon nobarong, saḷaka, buḷawan, bitú, uatoi bo pakeang. Silai-silaidon doman in onu inta inagowmu tua kon parang kon intau mita tongosukumu ibanea.” Dá suku i Ruben, i Gad, bo suku i Manasye inta kon pomukaan kon Yordan tatua nonaḷámaidon kon intau in Israel ibanea, bo nobuat nongkon Silo kon Kanaan nopobayá in butá monia tontaní kon Gilead. Mosia nogutun kon butá tatua podudui in parenta i Tuhan pinongin i Musa. (Tongosilai in suku Manasye ain notarima kon butá nongkon i Musa, butá inta kon ḷoḷan in Ongkag in Yordan, bo tongosilai in suku Manasye ibanea in notarima nongkon i Yosua butá kon dotá in toyopan kon Ongkag in Yordan noyotakin in suku mita ibanea.)

YOSUA 22:6 ပူးပေါင်းရင်းမြစ်များ

KINOBAḺIAN 14:19

Bo ki Melkisedek in nomarakat kon i Abram, kainia, “Poigumon mako ki Allah inta Totok in Moḷantud, inta ain nomaḻí kon ḷangit bo butá, momarakat kon i Abram!

KINOBAḺIAN 47:10

Onda intua ki Yakub nopoigumdon mayá bo nobogoi in barakat kon poyogapían.

KINOBAḺIAN 47:7

Ki Yusup nodia doman kon i amánea kon tayowon i datu sinbá kotaauan domandon i datu. Ki Yakub nomarakat kon i datu,

SAMUEL 2 6:18

Bo sia in nomarakat kon rayat in Israel pinodoyon kon tangoi i Tuhan Inta Totok in Mokawasa.

SAMUEL 2 6:19

Bodongka nosilai kon kaanon kon i monia komintan. Bayongan in intau inta kon tua, ḷoḷaki andeka bobay inogoiannea in ponoyá tumongo bonsig inta inangag, roti bo kukis kismis. Nopaḷut mako kon tua nobuidon in mosia kon baḷoinea-baḷoinea.

SAMUEL 2 6:20

Kon tungkuḷ in mobuidon in ki Daud kon komaḻig sin mopoyaput in salam kon motoḷuadínea, iḻumuai in ki Mikhal nokipodungkuḷ kon i Daud bo noguman, “Singgai in naa datu in Israel totu-totuudon nopohoromat kon awaknea tontaní! Nomilangdon in sia naonda bo intau dondunguḷ inta diádon kooyá kon tayowon in ata mita bobay buḷoi in pogawai mita in komaḻig!”

DATU MITA IMITÁNEA 8:66

Kon singgai noginwaḷu pinotabádon i Salomo nobui in intau mita tatua. Mosia komintan in nodayow kon inia bodongka nobui kon baḷoi monia takin pia in gina, sin bayongan in barakat inta ain inogoi i Tuhan kon mogogundoi-Nea ki Daud bo kon bangusa Israel umat-Nea.

TAWARIKH 2 30:18

Koḻikud intua, kon sigad in intau mita in Epraim, Manasye, Isakhar, bo Zebulon, nobayong in namangoi táe diá muna nopotusi in awak. Dá, mosia in norame kon Paska tatua takin diá dinumudui kon sarat. Tuamai in ki Datu Hizkia in nosambayang sin kopontingan monia, kainia,

IḶUAIAN 39:43

Pinirikisa i Musa intua komintan bo inindoianneamai yo inaidan monia intua notongkai totok ná inta ain pinoki aid i Tuhan. Bo binarakatandon i Musa in mosia.

LUKAS 2:34

Ki Simeon nomarakat kon i monia bo noguman kon i Maria ki iná in Adí tatua, “Adí tanaa aindon piniḻí i Allah sin momutú bo moposaḷamat kon moantó intau Israel. Sia in mobaḻí tanda nongkon i Allah, inta bayowan in moantó intau,

LUKAS 24:50

Nopaḷut mako kon tua, ki Yesus nodia kon i monia minayá iḷumuai kon kotá nodapot in Betania. Kon tua Sia nobingkat kon ḻima-Nea bo nomarakat kon i monia.

YOSUA 14:13

Dá ki Yosua in nomarakat kon i Kaleb adí i Yepune, bo nobogoi kon inia in kotá in Hebron nobaḻí butá kapunyaannea.

YOSUA 24:28

Nopaḷut mako kon tua ki Yosua nopotabádon kon intau mita tatua nobui; bo mosia nobuidon kon butá kapunyaan monia tontaní.

SAMUEL 1 10:25

Noiduduimai kon tua ki Samuel noginsilang kon bangusa tatua soaḷ hak bo kowajiban in datu, bo pinaisnea kon bonu in buk inta sinagúnea kon tampat inta motusi. Nopaḷut mako kon tua ki Samuel nopotabá kon bayongan in bangusa tatua nobui kon baḷoinea-baḷoinea.

SAMUEL 1 13:2

nomiḻí in sia kon intau in Israel 3.000; kon sigad monia tua, 2.000 in nogutun takinnea kon Mikhmas bo kon buḷud in Betel, bo 1.000 doman ibanea in minayá noyotakin i Yonatan ki adínea ḷoḷaki kon Gibea kon butá in suku Benyamin. Rayat mita ibanea in inogoidon nobui kon baḷoinea-baḷoinea.

SAMUEL 1 2:20

Dá barakatan i Eli in Elkana bo ki buḷoinea, bo noguman in sia kon i Elkana, “Igumon mako buipa i Tuhan ogoian in adí mita in iko nongkon i buḷoimu tanaa, sin ponoḻiu kon adí inta ain inogoi monimu kon i Tuhan.” Nopaḷut mako kon tua nobuidon mosia kon Rama.