YOSUA 22:34 - Alkitab Singog In Mongondow Masa In Tanaa

³⁴ Imbuitnea mako suku in Ruben bo i Gad noguman, “Mezbah tanaa in mobaḻí sakusi kon i naton komintan kon ki Tuhan tua in ki Allah.” Dá sinangoian monia in mezbah tatua “Sakusi”.

YOSUA 22:34 ပူးပေါင်းရင်းမြစ်များ

KINOBAḺIAN 31:47

Ki Laban nonangoi kon guntuḷan batu tatua Yegar-Sahaduta, yo ki Yakub nonangoi kon tua Galed.

KINOBAḺIAN 31:48

Guman i Laban kon i Yakub, “Guntuḷan batu tanaa in mobaḻí tompoingat kon i natonda.” Tuamai tampat tatua sinangoian Galed.

DATU MITA IMITÁNEA 18:39

Kon dodai in rayat mita nokoontong kon tua mita noitungkudon in mosia kon butá poḷat noguman, “Ki Tuhan tua in Allah! Totuu kon ki Tuhan tua in Allah!”

YESAYA 19:19

Kon tungkuḷ intua kon yuak in butá in Mesir posindogonbí in mezbah tobatú kon i Tuhan, bo kon pinosigadannea in oigi batu tobatú inta sinondí kon i Tuhan.

YESAYA 43:10

Ei umat-Ku, moikobí in sakusi-Ku mita, moiko in piniḻí-Ku nobaḻí mogogundoi-Ku mita, sinbá monotaaudon kon i-Nakó bo mopirisaya kon i-Nakó, bo momangaḻedon kon Akuoibí naa in Allah. Akuoi in Allah inta totobatú tua. Diábí in ibanea mako in noiuna bo inta moiduduimai kon i-Nakó.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

YOSUA 22:27

táe mobaḻí tomponuot kon i naton posi botak, bo kon buí naton kon singgai moiduduimai, kon totuubí kon kami naa in noibadabí kon i Tuhan kon Ḷoḷaigan Koangoian-Nea takin kodia-dia in kuruban payongon, sosumba mita bo kuruban yoyobayatan. Takin natua buí monimu diádon in moguman kon buí nami in diá kohubungan takin i Tuhan.

YOSUA 24:27

Nopaḷut mako kon tua ki Yosua noguman kon bayongan in intau kon tua, “Batu tanaa in mobaḻí sakusi naton. Bayongan in tosingogon inta siningog i Tuhan kon inaton, aindon siningog kon tayowon in batu tanaa. Dá batudon tanaa in mobaḻí sakusi kon i monimu, sin moponorop kon i monimu sinbá diá moḷawang kon i Allahmu.”