YOSUA 22:33 - Alkitab Singog In Mongondow Masa In Tanaa

³³ Dá nopiadon in gina in umat tatua in nokodongogmai kon tua, nodapot in mosia nodayow kon i Allah. Mosia in diá bidon nongonguman kon niat monia monubu kon intau mita in Ruben bo Gad, bo moyompat kon butá monia.

YOSUA 22:33 ပူးပေါင်းရင်းမြစ်များ

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

AMSAL 25:25

Motarima kon habar inta mopia nongkon ḻipú inta moyayú in naonda bo monginum kon tubig moonow kon dodai in morogang.

DANIEL 2:19

Kon doḷom doman tatua ki Allah in nopotaau kon onu in togoindop i datu tatua kon i Daniel kon bonu in oontongon tobatú. Dá ki Daniel nodayow kon i Allah kon soroga,

LUKAS 2:28

Indoianmai ginamáneabí in ki Yesus bo kinoyotan poḷat nodayow kon i Allah, kai-nia,

OUMAN IN RASUL MITA 15:12

Dá bayongan in intau inta noyosipun kon tua komintan in nongoibió. Bo umurandon inindongogan monia in onu inta inouman i Barnabas bo i Paulus tua. Mosia in nongonguman kon bayongan tanda inta totok in mokoherang kon intau, inta ain inaidan i Allah kon i monia kon yua-yuak in intau inta deeman Yahudi.

OUMAN IN RASUL MITA 15:31

Naonda in binaca in bayongan jamaat in surat tatua, totok nosanang in gina monia sin nokouḻí kon hiburan.

KORINTUS 2 7:7

Gina nami in nosanang, deeman tongá lantaran kinoangoian i Titus, táe lantaranbí doman nongonguman in sia kon kopopia in ginanea wakutu in sia kon yua-yuakpa monimu. Pinogumannea kon inami kon totok in mokotanob bo moibogdon totok in moiko moyodungkuḷku; bo oyúondon in panasaḷan monimu kon bayongan in aid mita monimu inta koḻipod dapot in moibogdon mobela kon i nakó in moiko. Tua komintan in nokodugang kon ḷunganga in ginaku.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

YOSUA 22:30

Bayongan in inta pinoguman in intau mita nongkon suku i Ruben, i Gad bo suku i Manasye kon dotá in pomukaan tatua dinongog i Imang Pinehas bo in guhanga mita in ḻipú intau in Israel inta mopuḷú nongkon dotá in toyopan kon Ongkag in Yordan. Dá nopiadon in gina monia in nokodongog kon tua.

YOSUA 22:32

Nopaḷut mako kon tua nobuatdon in ki Pinehas takin guhanga mita in ḻipú intau in Israel tatua. Mosia in nonaḷámaidon kon intau mita in Ruben bo Gad tatua kon Gilead, bo nobuidon kon Kanaan, onda intua nopotaau in pelekara tatua kon umat in Israel.