YOSUA 22:31 - Alkitab Singog In Mongondow Masa In Tanaa

³¹ Dá guman i Pinehas, adí i Imang Eleazar, kon intau mita in suku i Ruben, i Gad bo i Manasye kon Pomukaan, “Naa bo kinotaauandon nami kon ki Tuhan nonakindon kon i naton, sin moiko in diábí noḷawang kon i-Nia. Moiko in noposaḷamatdon kon umat in Israel nongkon hukuman i Tuhan.”

YOSUA 22:31 ပူးပေါင်းရင်းမြစ်များ

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

EZRA 7:5

Ki Abisua Ki Pinehas Ki Eleazar Ki Imang Moḷoben ki Harun

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

IḶUAIAN 25:8

Potabádon in bangusa tatua momia kon ḷoḷaigan tobatú kon i-Nakó, sinbá Akuoi motaaudon mogutun kon yua-yuak monia.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

ZAKHARIA 8:23

Kon singgai mita tatua mopuḷú in intau ango-angoi in mamangoi kon intau in Yahudi tobatú bo moguman, ‘Kami in moibogbí doman in mopia ná moiko; sin dinongogdon nami kon ki Allah in nomarakat kon i monimu.’ ” Ki Tuhan Inta Totok in mokawasa ain nosingog.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

KORINTUS 1 14:25

Onu inta noibuni kon bonu in ginanea komintanbí poontong, sahingga in mokopoompá kon dodia in sia bo moibog mosumba kon i Allah. Sia in mobaḻí mopirisaya totok kon ki Allah in umuranbí kotaki-takin monimu.

YOSUA 22:30

Bayongan in inta pinoguman in intau mita nongkon suku i Ruben, i Gad bo suku i Manasye kon dotá in pomukaan tatua dinongog i Imang Pinehas bo in guhanga mita in ḻipú intau in Israel inta mopuḷú nongkon dotá in toyopan kon Ongkag in Yordan. Dá nopiadon in gina monia in nokodongog kon tua.

YOSUA 22:32

Nopaḷut mako kon tua nobuatdon in ki Pinehas takin guhanga mita in ḻipú intau in Israel tatua. Mosia in nonaḷámaidon kon intau mita in Ruben bo Gad tatua kon Gilead, bo nobuidon kon Kanaan, onda intua nopotaau in pelekara tatua kon umat in Israel.

YOSUA 3:10

Aka moiko mayádon monubu, yo notantú bidon kon untunonbí i Tuhan in intau in Kanaan, Het, Hewi, Peris, Girgasi, Amori bo Yebus. Bo kon dodai in Poti Dodandian i Tuhan inta nomaḻí kon dunia naa ḷumoḷandon kon Yordan umuna kon i monimu, yo ontongondon monimu kon ki Allah inta nobiag in kon yua-yuakdon monimu.