YOSUA 22:30 - Alkitab Singog In Mongondow Masa In Tanaa

³⁰ Bayongan in inta pinoguman in intau mita nongkon suku i Ruben, i Gad bo suku i Manasye kon dotá in pomukaan tatua dinongog i Imang Pinehas bo in guhanga mita in ḻipú intau in Israel inta mopuḷú nongkon dotá in toyopan kon Ongkag in Yordan. Dá nopiadon in gina monia in nokodongog kon tua.

YOSUA 22:30 ပူးပေါင်းရင်းမြစ်များ

KINOBAḺIAN 28:8

Dá kinotaauandon i Esau kon ki Ishak, ki amánea tua in doíbí kon bobay in Kanaan,

ESTER 1:21

Onu in pinoguman i Memukan tatua kinoibog i datu bo in intau mita moḷoben, dá ḷagidon inaidan i datu intua.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

OUMAN IN RASUL MITA 11:18

Naonda in dinongog monia intua, nopiadon in gina monia komintan poḷat nodayow kon i Allah. Kai monia, “Aka natua, dá intau mita inta deeman Yahudi inogoianbí doman i Allah in kasampatan mogogai in mogaid kon dosa mita bo mokouḻí kon kobiagan mononoi!”

YOSUA 22:29

Popirisayadon, kami in doíbí moḷawang kon i Tuhan ande mogogai mogundoi kon i-Nia takin modugang kon mezbah ibanea sin pobogoian kon kuruban payongon ande kuruban gandum ande pobogoian kon sosumba, bokaka mezbah i Tuhan Allah naton oyúondon kon tayowon in Ḷoḷaigan koangoian i Tuhan.”

YOSUA 22:31

Dá guman i Pinehas, adí i Imang Eleazar, kon intau mita in suku i Ruben, i Gad bo i Manasye kon Pomukaan, “Naa bo kinotaauandon nami kon ki Tuhan nonakindon kon i naton, sin moiko in diábí noḷawang kon i-Nia. Moiko in noposaḷamatdon kon umat in Israel nongkon hukuman i Tuhan.”

YOSUA 22:33

Dá nopiadon in gina in umat tatua in nokodongogmai kon tua, nodapot in mosia nodayow kon i Allah. Mosia in diá bidon nongonguman kon niat monia monubu kon intau mita in Ruben bo Gad, bo moyompat kon butá monia.

HAKIM MITA 8:3

Moikobí nion in nokouḻí kon kawasa nongkon i Allah dá nokoḻimod kon i Oreb bo kon i Zeeb, itoi doyowa in intau Midian tua! Aka poyobandingonmai intua yo onubí in mangaḻe in aidku naa?” Naonda in ki Gideon noguman natua, mosia diádon sinumorú bui.

SAMUEL 1 29:6

Bo inoinídon i Akhis in ki Daud bo noguman kon inia, “Akuoi naa in mopirisaya podoyon kon i Tuhan inta nobiag, kon iko nion in mosatiabí kon inakó. Mopiabí in ginaku aka iko motaau moyotakinku kon poparangan tanaa. Sin pinangkoipamai in iko namangoi kon inakó nodapot in tanaa mako, diábí kinokadapatanku in iko kon taḷámu. Táe datu mita ibanea in doí kon inimu.