YOSUA 22:29 - Alkitab Singog In Mongondow Masa In Tanaa

²⁹ Popirisayadon, kami in doíbí moḷawang kon i Tuhan ande mogogai mogundoi kon i-Nia takin modugang kon mezbah ibanea sin pobogoian kon kuruban payongon ande kuruban gandum ande pobogoian kon sosumba, bokaka mezbah i Tuhan Allah naton oyúondon kon tayowon in Ḷoḷaigan koangoian i Tuhan.”

YOSUA 22:29 ပူးပေါင်းရင်းမြစ်များ

KINOBAḺIAN 44:17

Guman i Yusup, “Diá! Akuoi in doíbí mogaid kon natua! Tongábí sia inta kino uḻían kon piala tatua in mobaḻí bobantungku. Ibanea in motaau bidon mobui kon i amámu.”

KINOBAḺIAN 44:7

Tubag monia kon inia, “Onu in makusud i Tuang? Kami in mongibot kon kami in diábí nogaid kon soaḷ natua!

DATU MITA IMITÁNEA 21:3

Ki Nabot in notubag, “Gobá in anggur tanaa in budelbí in mogoguyangku. Podoyon kon i Allah, diábí motaauku ogoi kon i Tuang!”

DATU MITA 2 18:22

Noiduduimai kon tua porwira in Asyur tatua in noguman, “Andeka degá moiko in mosingog kon moiko in moharap mako kon i Tuhan, Allahmu? Kon dodai in ki Hizkia nomarenta kon bá intau in Yohuda bo Yerusalem in tongá bidon moibada kon tayowon in mezbah kon Yerusalem, yo inta iyompatnea tua in mezbah bo tampat mita posumbaan kon i Tuhan tontaní.

TAWARIKH 2 32:12

Siabí tua inta ain norimumud kon tampat mita pooibadaan bo mezbah mita kon i Tuhan, bodongka nopotabá kon intau in Yohuda bo Yerusalem noibada poḷat notubá kon dupa tongá kon mezbah tobatú.

SURAT I PAULUS KON JAMAAT RUM 3:6

Táe totuubí kon diábí motaau in mosingog natua! Sin aka ki Allah bo diá moadil, yo naondabí in pohohakim-Nea kon dunia naa?

SURAT I PAULUS KON JAMAAT RUM 6:2

Tantú diábí natua! Dosa in diá bidon nongawasa kon i naton, manangka intua kita diá bidon in motaau aka dongka umuran mogaid kon dosa?

SURAT I PAULUS KON JAMAAT RUM 9:14

Aka natua yo onu in singogon naton? Diá moadil degá in ki Allah? Ki Allah in moadilbí!

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

YOSUA 22:23

Ki Tuhandon tontaní in mohukum kon inami, aka kami in niat moḷawang kon i Tuhan bo moposindog in mezbah nami tontaní sin moposumba in kuruban payongon ande kuruban gandum ande kuruban yoyobayatan kon tudunea.

YOSUA 22:26

Dá kami in noposindog in mezbah, deemanbí pakéon mopokuruban in kuruban payongon ande sosumba mita nami ibanea,

YOSUA 22:28

Dá, niat nami in: aka kuma buí monimu in moguman natua, dá buí nami in motaaudon moguman, ‘Indoiai in mezbah tatua! Mogoguyang nami in noposindogdon in mezbah tobatú inta notombatangan in mezbah i Tuhan, deemanbí pobogoian kon kuruban payongon ande pobogoian kon sosumba, táe baḻíon tomponuot kon i naton posibotak.’

YOSUA 22:30

Bayongan in inta pinoguman in intau mita nongkon suku i Ruben, i Gad bo suku i Manasye kon dotá in pomukaan tatua dinongog i Imang Pinehas bo in guhanga mita in ḻipú intau in Israel inta mopuḷú nongkon dotá in toyopan kon Ongkag in Yordan. Dá nopiadon in gina monia in nokodongog kon tua.

YOSUA 24:16

Dá umat in Israel tatua notubag, “Kami in diábí mokoimontanmai in monaḷámai kon i Tuhan sin mayá mogundoi kon ilah mita ibanea!

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.