YOSUA 22:28 - Alkitab Singog In Mongondow Masa In Tanaa

²⁸ Dá, niat nami in: aka kuma buí monimu in moguman natua, dá buí nami in motaaudon moguman, ‘Indoiai in mezbah tatua! Mogoguyang nami in noposindogdon in mezbah tobatú inta notombatangan in mezbah i Tuhan, deemanbí pobogoian kon kuruban payongon ande pobogoian kon sosumba, táe baḻíon tomponuot kon i naton posibotak.’

YOSUA 22:28 ပူးပေါင်းရင်းမြစ်များ

KINOBAḺIAN 31:48

Guman i Laban kon i Yakub, “Guntuḷan batu tanaa in mobaḻí tompoingat kon i natonda.” Tuamai tampat tatua sinangoian Galed.

DATU MITA 2 16:10

Naonda in ki Datu Ahas minayá in Damsyik sin mokipodungkuḷ kon i Datu Tiglat-Pileser, nokoontong in sia kon mezbah kon kotá tatua. Bo nokidia in sia kon i imang Uria kon Yerusalem sonto in mezbah tatua takin ukurannea inta noitombubung komintan.

IḶUAIAN 25:40

Ḷukadai sinbá sioḷ in totuduan togá tatua pomiaan podudui kon onu inta ain pinoontong kon inimu kon tudu in buḷud tanaa.”

YESAYA 19:19

Kon tungkuḷ intua kon yuak in butá in Mesir posindogonbí in mezbah tobatú kon i Tuhan, bo kon pinosigadannea in oigi batu tobatú inta sinondí kon i Tuhan.

IBRANI 8:5

Oaidan inta inaidan monia tua saḷaku imang sabanarnea in tongábí gambaran bo oḻinow in onu inta kon soroga. Tua ain bidon pinotaau i Allah kon i Musa koḻipod, kon wakutu in sia noposindog in Ḷoḷaigan i Tuhan. Nanaa in guman i Allah kon i Musa, “Pokotorop! Tua komintan in mustibí pomiaanmu podudui in gambar inta pinoontong-Ku kon inimu kon tudu in buḷud.”

YOSUA 22:27

táe mobaḻí tomponuot kon i naton posi botak, bo kon buí naton kon singgai moiduduimai, kon totuubí kon kami naa in noibadabí kon i Tuhan kon Ḷoḷaigan Koangoian-Nea takin kodia-dia in kuruban payongon, sosumba mita bo kuruban yoyobayatan. Takin natua buí monimu diádon in moguman kon buí nami in diá kohubungan takin i Tuhan.

YOSUA 22:29

Popirisayadon, kami in doíbí moḷawang kon i Tuhan ande mogogai mogundoi kon i-Nia takin modugang kon mezbah ibanea sin pobogoian kon kuruban payongon ande kuruban gandum ande pobogoian kon sosumba, bokaka mezbah i Tuhan Allah naton oyúondon kon tayowon in Ḷoḷaigan koangoian i Tuhan.”

YOSUA 24:27

Nopaḷut mako kon tua ki Yosua noguman kon bayongan in intau kon tua, “Batu tanaa in mobaḻí sakusi naton. Bayongan in tosingogon inta siningog i Tuhan kon inaton, aindon siningog kon tayowon in batu tanaa. Dá batudon tanaa in mobaḻí sakusi kon i monimu, sin moponorop kon i monimu sinbá diá moḷawang kon i Allahmu.”