YOSUA 22:22 - Alkitab Singog In Mongondow Masa In Tanaa

²² “Inta Totok in Mokawasa tuata in ki Tuhan! Inta Totok in Mokawasa tuata in ki Tuhan! Kinotaauan-Neabí kon nongonubí sin kami in nomiabí kon natua, bo ibogon nami sinbá kotaauan doman monimu mongo nongonu sin pinomiabí nami in natua! Aka kuma bo pinomia nami intua sin moḷawang kon i Tuhan andeka kami in diádon mopirisaya kon i-Nia, dá pobiódon mako in kami matoi tanaa doman mako!

YOSUA 22:22 ပူးပေါင်းရင်းမြစ်များ

DATU MITA IMITÁNEA 8:39

yo igumon mako in Iko nongkon tampat-Mu kon soroga moibogpa mokidongog bo mongampung poḷat motuḷung kon i monia. Tongábí Iko in nonotaau kon bonu in gina in intau. Tuamai in popoaidon kon intau podudui doman kon oaid monia tontaní,

AYUB 10:7

Sabanarnea in kinotaauan-Mubí bo nosadar, kon akuoi in diá kotaḷá, táe nobanarbí. Kinotaauan-Mubí kon tobatúmai intau diábí in mokotongod in moposaḷamat kon inakó nongkon kawasa-Mu.

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

AYUB 31:22

dá biódon mako moputoḷ in kokaḷku doyowa nosimpaḷ dá moitondídon nongkon obagaku.

MAZMUR 136:2

Posukurdon kon i Allah Inta Totok in moḷantud; tabi-Nea in umuran mononoi.

MAZMUR 37:6

Poniata-Neabí in kototoinduduimu naonda bo bayag, bo kototuḻid in ginamu naonda bo singgai.

MAZMUR 40:9

Mopia in ginaku in mogaid kon kinoibog-Mu, o Allah, hukum-Mu sinagúku kon bonu in gina.”

MAZMUR 44:21

Aka kuma bo kami in diádon nosumba kon i Allah, táe nosambayangdon kon i ilah ibanea mako,

MAZMUR 44:22

yo notantúbí kon kinotaauanbí i Allah, sin kodoḷopan-Neabí in onu inta noibuni kon gina nami.

MAZMUR 50:1

Mazmur i Asap. Tuhan, Allah Inta Totok in mokawasa, nosingog; Sia in nomaḷú kon sinangkub in butá nongkon pomukaan nodapot kon toyopan.

MAZMUR 82:1

Mazmur i Asap. Ki Allah in nodia kon sidang ilahi kon soroga, bo Sia in nobogoi kon simpod in singog:

MAZMUR 95:3

Sin ki Tuhan in ki Allah inta moḷantud, Datu inta motorindog inta nonigad kon bayongan in dewa.

MAZMUR 97:7

Bayongan in intau inta mosumba kon berhala in pokopooyáanbímai, inta nopoyunggaga kon pakakat mita inta diá in mangaḻenea; bayongan in dewa in dumokóbí kon tayowon i Tuhan.

IḶUAIAN 18:11

Naa in kinotaauankudon kon ki Tuhanbí in mokawa-kawasa nongkon bayongan ilah, sin tua komintan inaidan-Nea kon dodai intau in Mesir dinumodiadon totok kon intau mita Israel.”

YEREMIA 12:3

Táe Iko, o Tuhan, nonotaau kon inakó. Iko in nokoontong kon onu in inaidanku, bo kinotaauan-Mu naonda in porasaan in ginaku kon ini-Mu. Diadon in intau mita moraat tatua ḷumuai, diádon in mosia naonda bo domba mayá in pororataan. Ḷukadai in mosia modapot in porataan kon i monia.

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

DANIEL 11:36

Datu in butá in utuan in mogaidbí kinoibog in ginanea. Takin ḷumoḷatú sia in moguman kon sia in moḷobe-ḷoben nongkon dewa taondakabí, nodapotbí in moḷobe-ḷoben nongkon i Allah Inta Totok in Moḷantud. Sia in motaaubí in mogaid kon tua modapot in torú i Allah modait. Sin onu inta ain sinantú i Allah mustibí aidan muna.

DANIEL 2:47

Ki Datu in noguman, “Totuu, Daniel, ki Allahmu tua in moḷobe-ḷobenbí kon bayongan in allah. Sia in nongawasa kon bayongan in datu, bo nopotaau in bayongan inta noibuni. Kinotaauanku intua sin iko in nokomampudon noginsilang kon mangaḻe in inta noibuni tanaa.”

MIKHA 7:9

Kita in binaradosadon kon i Tuhan, tuamai in tanaa kita in mustibí motarima kon torú-Nea. Táe diá bidon moonggot Sia in moduḷu kon i naton bo mobogoi kon onu inta moadil kon i naton. Sia in modiabí kon i naton ḷumuai mamangoi in mobayag; korasaanbí naton tontaní kon Sia in moposaḷamat kon i naton.

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

OUMAN IN RASUL MITA 1:24

Mosia komintan nosambayang nanaa, “Tuhan, Ikobí inta nonotaau kon bonu in gina in bayongan intau, tundúdon mongo ki ine in koibog-Mu kon sigad inayadua naa, inta motarima kon oaidan inta pinoki aid-Mu táe inta ain sinaḷáanmai i Yudas inta ain notarima kon hukuman pinodudui in oaidnea.”

OUMAN IN RASUL MITA 25:11

Aka akuoi bo totu-totuu kotaḷá inta motaau baḻíon monimu dodoyonan pohukuman kon inakó dapot in matoi, yo kodu-koduduibí in akuoi. Táe aka onu in pinonapud monia tua bo diá totuu, yo diá in tobatúmai intau in kohak moposarakan kon inakó sin tongá popisí in ogoi ponotabi kon i monia nion. Akuoi in monuntut kon tantúondon kon pongadilan i Kaisar!”

KORINTUS 2 11:11

Eta nongonubí sin mosingogbí in akuoi kon natua? Degá diá motabi in akuoi kon i monimu? Kinotaauanbí i Allah in tabiku kon i monimu!

KORINTUS 2 11:31

Táe ki Allah ki Amá i Yesus, Tuhan naton in nonotaaubí kon akuoi in diábí monguboḷ. Dinayo-dayowdon in tangoi-Nea nodapot in kopaḷutannea.

KORINTUS 2 5:11

Kotaauanbí in nami mangaḻe in moondok kon i Tuhan. Manangka intua kami moramuji sinbá pirisayaan in bayongan intau. Totokbí in kinotaauan i Allah in kami naa. Tuamai in haraponku in kotaauan doman monimu in kami.

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

TIMOTIUS 1 6:16

Tongábí Sia in diá kokawasaan in popatoi bo inta nobiag kon sindar inta diá motaau diugan i inekabí. Diábí in tobatúmai intau mokoontong kon i-Nia, bo totuubí kon diábí ontongon intau in Sia. Tongábí Sia in patus horomaton sin kawasa-Nea in noiḻiu kon bayongan kawasa kon dunia naa modapot in kopaḷutan dunia naa! Amin.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

YOSUA 22:21

Bo intau mita in suku i Ruben, i Gad, bo suku i Manasye inta kon dotá in pomukaan tatua notubag,

WAHYU 19:16

Jubah bo paa-Nea in pinaisan tangoi nanaa, “Datu in bayongan datu, bo Tuang in bayongan tuang.”

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”

SAMUEL 1 2:3

Gogaiaidon in ambungangaḷmu inta diá in mangaḻenea tua! Dikadon mosingog kon inta diá in baragunanea! Sin ki Tuhan tua in ki Allah inta totok in nonotaau; inta mohakim kon bayongan oaid in intau.