YOSUA 22:19 - Alkitab Singog In Mongondow Masa In Tanaa

¹⁹ Aka butámu tua nonajis bo diá patus baḻíon tampat poibadaan kon i Tuhan, dá pomampingdon mangoi kon butá i Tuhan, inta pinoposindogan in Ḷoḷaigan i Tuhan. Poigumdon kon tongosilai in butá nami, táe dikabí in moḷawang kon i Tuhan ande moḷawang kon inami takin modugang momia kon mezbah tobatú, bokaka koyongandon oyúon in mezbah i Tuhan Allah naton.

YOSUA 22:19 ပူးပေါင်းရင်းမြစ်များ

TAWARIKH 2 11:13

Imang mita bo intau in Lewi nongkon bayongan butá in Israel minayá dinumugang kon i Rehabeam.

IḶUAIAN 15:17

Bo Israel inatod-Mu kon tampat inta piniḻí-Mu popoutunan. Mosia in nogutun kon buḷud-Mu inta motusi, kon Baḷoi inta pinosindog-Mu takin ropot-Mu.

DANIEL 10:13

Malaekat moḷoḷukad kon dodatuan in Persia noḷawang kon inakó doyowa nopuḷú bo mita nosinggai in koonggotnea. Bo ki Mikhael, tobatú itoi in malaekat mita, namangoi bo notuḷung kon inakó. Sinaḷáanku in sia kon tua, kon Persia.

AMOS 7:17

ki Tuhan in noguman kon ki buḷoimu in mobaḻí sundaḷ kon daḷan mita in kotá, bo ki adímu mita in ḻimodon kon parang. Butámu in silaionbí magí mako kon intau ibanea, bo iko tontaní in matoibí kon butá in intau inta diá nonotaau kon i Tuhan. Intau in Israel in notantú bidon kon akuton pobayá in poḷumbúan, moyayú nongkon butánea tontaní.”

YOSUA 18:1

Naonda in nopotungkud mako in butá inta pinodandi i Tuhan, bayongan umat in Israel noyosipun kon Silo, bo mosia noposindog in Ḷoḷaigan Koangoian i Tuhan.

YOSUA 22:11

Intau mita in Israel ibanea nokodongogdon kon tongobangusa monia in noguman, “Intau mita in suku i Ruben, i Gad bo i Manasye kon pomukaan kon Yordan ain noposindog in mezbah tobatú kon Gelilot kon diug in Ongkag in Yordan kon butá naton!” Dá mosia komintan in noyosipun kon Silo sin monubu kon suku mita in Israel inta kon dotá in pomukaan kon Ongkag in Yordan tatua.