YOSUA 22:18 - Alkitab Singog In Mongondow Masa In Tanaa

¹⁸ Bo tanaa, degá moibogdon bui in moiko monoḻikud kon i Tuhan? Aka singgai naa moiko moibog moḷawang kon i Tuhan, yo ikoḷom in Sia tumorúdon kon bayongan umat in Israel.

YOSUA 22:18 ပူးပေါင်းရင်းမြစ်များ

SAMUEL 2 24:1

Ki Tuhan in sinumorú bui kon Israel, bo ki Daud in dinondouḷugan-Nea sin makusud mopoangoi in roriga kon bangusa tatua. Guman i Tuhan kon inia, “Iapdon in intau kon Israel bo Yohuda.”

DATU MITA IMITÁNEA 9:6

Táe aka iko bo buímu monoḻikud kon i-Nakó bo diá motoindudui kon bayongan in hukum bo parenta-Ku poḷat doman in iko mosumba kon ilah mita ibanea,

DATU MITA 2 17:21

Onda intua ki Tuhan in nopoyotondídon kon Israel bo Yohuda, intau in Israel in noduídon kon i Yerobeam ki adí i Nebat nobaḻí datu monia. Ki Yerobeam in nodia kon i monia nonaḷámai kon i Tuhan bo nogaid kon dosa mita inta moḷoben.

TAWARIKH 1 21:1

Moibog in Ibilis mopobodito kon intau in Israel; tuamai in dinondouḷugannea in ki Daud sinbá mogiapdon kon intau.

TAWARIKH 1 21:14

Dá pinoangoidon i Tuhan in yampoi takit kon intau in Israel dá 70.000 in intau kon sigad monia tua in minatoi.

TAWARIKH 2 34:33

Berhala mita inta mokorongó inta kon tampat mita inta noituot kon butá in intau Israel, komintanbí irimumud i Datu Yosia. Bo pinakisanea in rayatnea moibada kon i Tuhan, Allah in mogoguyang monia. Dá kon bonu in ki Yosia nobiag, rayat in umuran mosatia kon i Tuhan.

IMAMAT 10:6

Bo ki Musa in noguman kon i Harun bo kon i adínea mita ibanea, inta ki Eleazer bo ki Itamar, “Dika mokuyang in gina monimu popisí in kinopatoian tatua. Aka moiko momia kon natua, yo matoi doman, bo bayongan umat Israel torúan i Tuhan. Táe bayongan intau Israel ibanea in motaaubí in mogi morondí sin kinopatoian intau doyowa tatua inta popisí in tuḷú nongkon i Tuhan.

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

PINOGIAPAN 32:15

Aka moiko monoḻikud kon i Tuhan, dá bayongan bangusa tanaa in pomayá-Neadon mako modugang moonggot kon padang gurun, bo moikodon in mokopopisí kon koyopúan monia!”

ULANGAN 7:4

sinbá mosia diá mopoyayú kon i adí mita monimu nongkon i Tuhan sin mayá mosumba kon ilah mita ibanea. Aka moiko mosumba kon ilah mita ibanea, ki Tuhan tumorú bo moiko in baḷú-Neadon yopúon.

YOSUA 22:15

Dá nodapotdon in mosia kon tampat in suku i Ruben, i Gad bo suku i Manasye kon butá in Gilead.

YOSUA 22:16

Bo mosia nosingog nobaḻí toḻiu in bayongan in umat i Tuhan, mosia noguman kon intau mita inta nongkon suku i Ruben, i Gad bo i Manasye tatua, “Nongonu sin moiko in nogaid bidon kon inta moraat nanaa kon i Allah Israel? Takin nogaid kon mezbahmu tontaní, moiko in noḷawangdon kon i Tuhan! Moiko in diá bidon dinumudui kon parenta-Nea mita!

YOSUA 22:20

Torop, in ki Akhan ki adí i Zerah in doí dinumudui kon parenta i Tuhan soaḷ pakakat mita inta musti ḷoḷangon, bo onu in nobaḻí? Bayongan umat in Israel i hukum! Bokaka inta dinosa in tongábí ki Akhan, táe inta minatoi in deemanbí tongá sia-sia mita!”

YOSUA 7:1

Ki Tuhan ain nomarenta kon umat in Israel kon nongkon bayongan onu inta kon kotá in Yerikho inta musti payongon, tobatúmai yo diábí in motaau gamáan. Táe parenta tatua diábí dinuduian. Ḷoḷaki tobatú inta ki Akhan in tangoinea iḻimimpatdon kon parenta tatua, dá ki Tuhan in sinumorúdon totok kon umat in Israel. (Ki amá i Akhan naa tangoinea in ki Karmi bo ki akinea in ki Zabdi nongkon inanakan i Zerah kon bonu in suku i Yohuda.)

YOSUA 7:11

Intau in Israel nogaidon kon dosa. Akuoi ain nomarenta sinbá mosia mokopotoindudui kon dodandian-Ku takin i monia, táe iḻimpatan monia intua! Barang mita inta musti payongon aindon ginamá monia. Mosia nonakow bo binuni monia kon sigad in pakakat mita monia sinbá diá kotaauan.

YOSUA 7:21

Kon sigad in barang mita inta inagow naton, akuoi nokoontong kon jubah tobatú inta totuu mogaga, pinomia in Babilonia, bo saḷaka doman mita doyowa nokilo, bo buḷawan tobatú noiḻiu kon tobotak in kilo. Moibog totok in akuoi in barang mita tatua, dá ginamáku bo iḷobongku kon butá kon ḷoḷaiganku; saḷaka in kon ḻimonag totok.”

SAMUEL 1 12:14

Mosanangdon totok in moiko aka mohoromat kon i Tuhan, bo mogundoi kon i-Nia, bo mokidongog poḷat dumudui kon parenta-Nea, apa doman aka moiko bo datumu tua in umuran mosatia kon i Tuhan Allahmu.

SAMUEL 1 12:20

Ki Samuel in notubag domandon, “Dika moondok, umpakabí moiko ain nomia kon inta moraat tatua táe dikadon monoḻikud kon i Tuhan, táe umurandon pogundoi kon i-Nia takin ḻimbatú in ginamu.