YOSUA 22:11 - Alkitab Singog In Mongondow Masa In Tanaa

^11-12 Intau mita in Israel ibanea nokodongogdon kon tongobangusa monia in noguman, “Intau mita in suku i Ruben, i Gad bo i Manasye kon pomukaan kon Yordan ain noposindog in mezbah tobatú kon Gelilot kon diug in Ongkag in Yordan kon butá naton!” Dá mosia komintan in noyosipun kon Silo sin monubu kon suku mita in Israel inta kon dotá in pomukaan kon Ongkag in Yordan tatua.

YOSUA 22:11 ပူးပေါင်းရင်းမြစ်များ

YOHANES 1:28

Tua komintan in nobaḻí kon Betania inta kon ḷoḷanmai in Ongkag in Yordan inta pobaptisanmai i Yohanes.

YOHANES 20:1

Kon singgai in Diminggu modiugpa mobayag, ki Maria Magdalena minayá in poḷoḷobongan. Inindoianneamai yo batu inta pinonaḷob noḻitoidon nongkon bubú in poḷoḷobongan tatua.

YOHANES 20:12

bo inontongnea in malaekat doyowa nogiḷambung nobudó. Mosia in iḻimitú kon tampat inta pinoguḻidan kon mayat i Yesus. Tobatú kon dotá in uḷuan, bo tobatú kon dotá in sioḷan.

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

YOSUA 2:7

Dá minayádon in totabá mita i datu tatua nonaḷámai kon kotá. Naonda in mosia kon ḷuai, ḷoḻingkop in kotá in iḻingkopandon. Mosia notayak kon toimata mita tatua nodapot in ḷoḷoḷanan kon Ongkag in Yordan.

YOSUA 22:10

Naonda in suku i Ruben, i Gad, bo suku i Manasye kon dotá in pomukaan kon Yordan tatua nodapot kon Gelilot – kon dotápa in toyopan kon Ongkag in Yordan – mosia noposindogdon in mezbah tobatú inta moḷoben bo mogaga kon diug in ongkag.

YOSUA 22:16

Bo mosia nosingog nobaḻí toḻiu in bayongan in umat i Tuhan, mosia noguman kon intau mita inta nongkon suku i Ruben, i Gad bo i Manasye tatua, “Nongonu sin moiko in nogaid bidon kon inta moraat nanaa kon i Allah Israel? Takin nogaid kon mezbahmu tontaní, moiko in noḷawangdon kon i Tuhan! Moiko in diá bidon dinumudui kon parenta-Nea mita!

YOSUA 22:19

Aka butámu tua nonajis bo diá patus baḻíon tampat poibadaan kon i Tuhan, dá pomampingdon mangoi kon butá i Tuhan, inta pinoposindogan in Ḷoḷaigan i Tuhan. Poigumdon kon tongosilai in butá nami, táe dikabí in moḷawang kon i Tuhan ande moḷawang kon inami takin modugang momia kon mezbah tobatú, bokaka koyongandon oyúon in mezbah i Tuhan Allah naton.

HAKIM MITA 12:5

Intau mita in Gilead inta noparang tatua, nongawasadon kon tampat mita inta ḷoḷoḷanan kon Ongkag in Yordan, sinbá motaau moḷabot kon intau mita in Epraim inta moḷagui. Kon dodai in oyúon intau Epraim, inta moḷagui, bo mopoigum sinbá ogoipa ḷumoḷan, dá intau in Gilead moḻibó kon inia, “Degá iko naa intau in Epraim?” Aka sia motubag, “Deeman,”