YOSUA 21:44 - Alkitab Singog In Mongondow Masa In Tanaa

⁴⁴ Dá podudui kon onu inta pinodandi i Tuhan kon mogoguyang monia, butá tatua nodame sin iḷukadan i Tuhan. Musung mita monia diá in tobatúmai in mokotaḷow kon i monia, sin ki Tuhan in nobogoi in kauntungan kon intau in Israel nongkon bayongan in musung monia.

YOSUA 21:44 ပူးပေါင်းရင်းမြစ်များ

TAWARIKH 2 13:16

nodapot in noḷagui in mosia. Pinountung i Allah in intau in Yohuda kon i monia.

IḶUAIAN 23:31

Sigad mita in butámu in tantúon-Kudon nongkon Teluk Akaba modapot kon Ongkag in Eprat, bo nongkon Dagat Toyuak modapot kon padang gurun. Moiko ogoian-Ku in kawasa mongawasa kon intau mita inta nogutun kon butá tatua, modapot in mosia kountunandon monimu kon dodai in moiko mayá mogagow kon butá tatua.

IḶUAIAN 33:14

Ki Tuhan noguman, “Moiko in ḷukadan-Ku sinbá mokouḻí kon butá inta pinodandi-Ku.”

YESAYA 63:14

Ki Tuhan in nodia kon i monia minayá in tampat pogogaian, naonda bo bobiagon dinia binayá pinokaan kon rawang. Natuata in Sia nodia kon umat-Nea, sinbá tangoi-Nea in poḷantudon.

ULANGAN 2:36

Takin totuḷung i Tuhan Allah naton, kita nokoagow kon bayongan kotá tatua, pinangkoi kon Aroër, kon popod in Ḷopá in Arnon, bo kotá kon yuak in ḷopá tatua, nodapot kon butá in Gilead. Diábí in dinding kotá inta motogat naton umpagon.

ULANGAN 21:10

“Aka moiko moparang bo ki Tuhan Allahmu nopountung kon i monimu, bo moiko mogamá kon tawanan in parang,

IBRANI 4:9

Manangka intua, kon umat i Allah oyúonpabí in dandi pogogogaian ná ki Allah inta nogogai doman kon singgai impitunea.

YOSUA 1:13

“Pokotorop! Ki Musa mogogundoi i Tuhan tua ain noguman kon inimu kon butá inta kon dotá in pomukaan kon Ongkag in Yordan naa in ogoi i Tuhan Allahmu kon inimu mobaḻí butámu.

YOSUA 1:15

Musti in moiko motuḷung kon i monia modapot in mosia moiḻitú kon butá inta kon dotá in toyopan kon Ongkag in Yordan tanaa inta inogoi i Tuhan Allahmu kon i monia. Naonda in ki Tuhan nobogoi in kaadaan mopia kon bayongan in bangusa Israel, bain tua bo moiko motaau mobui kon butámu tontaní kon dotá in pomukaan kon Yordan tanaa, inta inogoi i Musa mogogundoi i Tuhan tatua kon inimu.”

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 11:12

Bayongan in kotá mita tatua inagow i Yosua, bo datunea mita in dinomok bo iḻimod pinodudui kon parenta i Musa, mogogundoi i Tuhan tua.

YOSUA 11:23

Bayongan in butá tatua inagow i Yosua pinodudui kon parenta i Tuhan kon i Musa, bo inogoi kon intau in Israel nobaḻí kapunyaan monia. Butá tatua in sinila-silai, bo batúan in suku nokouḻí kon tongosilai. Bangusa Israel nogogaidon noparang bo butánea in noaman bo nobiag notompia.

YOSUA 11:8

Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

YOSUA 2:24

Onda intua mosia noguman, “Notantú bidon kon ogoibí i Tuhan in bayongan in butá tatua kon inaton; Bayongan in intau kon tua moondokdon kon i naton.”

YOSUA 22:4

Dá podudui in dandi-Nea, ki Tuhan Allahmu ain nobogoi in kobiagan notompia kon i utatmu mita, intau in Israel ibanea. Dá, pobuidon in tanaa mako kon butámu tontaní kon dotá in pomukaan kon Ongkag in Yordan tatua inta inogoi i Musa kon inimu koḻipod.

YOSUA 23:1

Noonggot naonda in ki Tuhan nobogoi in kobiagan notompia kon umat in Israel; mosia in diá bidon sinuyayow in musung. Kon dodai intua ki Yosua nogoguyangdon totok.