YOSUA 21:43 - Alkitab Singog In Mongondow Masa In Tanaa

⁴³ Natuata in pinobobogoi i Tuhan kon umat in Israel kon bayongan in butá inta ain pinodandi-Nea takin nongibot kon mogoguyang monia. Naonda in iḻimitú kon butá tatua, umat in Israel nogutundon notantú kon tua.

YOSUA 21:43 ပူးပေါင်းရင်းမြစ်များ

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 13:15

Akuoi in mobogoi kon inimu bo kon buímu in bayongan butá inta inontongmu tua sinbá mobaḻí kapunyaanmu mononoi.

KINOBAḺIAN 28:4

Poigumon mako ki Tuhan momarakat kon inimu bo buímu naonda bo pinomomarakat-Nea kon i Abraham, bo igumon mako mobaḻí kapunyaanmu in butá inta iḻitúanmu mako tanaa, inta ain inogoi i Allah kon i Abraham!”

TAWARIKH 2 20:8

Mosia in nogutundon kon naa bo noposindogdon in baḷoi tobatú tampat posumbaan kon ini-Mu. Kinotaauan monia

NEHEMIA 9:24

Buí monia in nonaḷow kon butá in Kanaan; intau mita kon tua pinotungkud-Mu. Umat-Mu inogoian-Mu in kawasa momia kon onu in koibognea aidan kon bangusa mita in Kanaan bo kon datunea mita.

NEHEMIA 9:8

Nouḻí-Mu in sia umuran mosatia kon ini-Mu bo motoindudui. Bo inaidan-Mu takinnea in dodandian inta moroton. Butá in Kanaan, Het bo Amori, butá in Peris, Yebus bo Girgasi, tua komintan in ogoi-Mu kon inia; mobaḻí pogogutunan in bayongan buínea. Noiduduimai inintompodan-Mu in dandi tatua kon inia, sin Iko in moadil bo mosatia.

MAZMUR 105:8

Sia in umuranbí mokotorop kon dodandian-Nea, dandi-Nea in mononoibí.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

MAZMUR 78:55

Kon tayowon in umat-Nea Sia nopoguntun in intau inta nogutun kon tua bodongka sinila-silai-Neadon in butá tatua kon bayongan in suku in bangusa in Israel, umat-Nea, dá mosia in motaaudon mogutun kon ḷoḷaigan mita in musung.

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

YEREMIA 32:23

Táe naonda in mosia namangoi in butá tanaa bo nogagow, mosia in diábí notoḷutui kon parenta-Mu mita, bo diá nobiag podudui in totundú-Mu mita. Bayongan inta pinarenta-Mu kon i monia diá tobatúmai in inaidan monia. Tuamai in pinopoangoi-Mu in bayongan bodito tanaa kon i monia.

PINOGIAPAN 33:53

Butá tatua musti agowon monimu bo poḷat ḻitúai, sin ogoi-Kudon kon inimu.

PINOGIAPAN 34:2

parenta mita tanaa kon bangusa Israel, “Topiḻikpa bo moiko tumuot kon butá in Kanaan, butá inta ogoi-Ku kon i monimu mobaḻí tonsilai. Naa in sigad in butá mita tatua.

ULANGAN 11:31

Diádon moonggot bo moiko in ḷumoḷandon kon Ongkag in Yordan bo ḻimitúdon kon butá inta ogoi i Tuhan Allahmu kon inimu. Naonda in moiko mogagow kon butá tatua bo mogutun kon tua,

ULANGAN 12:29

“Ki Tuhan Allahmu in moyopúbí kon bangusa mita inta nogutun kon butá tatua, dá moiko in motaaudon ḻimitú bo mogutun kon tua.

ULANGAN 17:14

“Aka butá inta inogoi i Tuhan Allahmu kon inimu ain nobaḻí kapunyaanmu, bo moiko in nogutundon kon tua, bo degá moiko in moparaḷudon kon datu ná bangusa mita inta nogutun kon diugmai monimu.

ULANGAN 34:4

Bo ki Tuhan noguman kon i Musa, “Tuata in butá inta pinodandi-Ku kon i Abraham, kon i Ishak bo kon i Yakub ogoi kon buí monia. Poontong-Ku kon inimu, Musa, tongá diábí ogoi-Ku in iko mayá intua.”

YOSUA 1:6

Pokoyakin bo pokobarani in iko, sin ikobí in modia kon bangusa tanaa kon tungkuḷ in mosia ḻimitú kon butá inta pinodandi-Ku kon mogoguyang monia.

HAKIM MITA 11:24

Bo degá iko in tanaa moibogdon bui mogamá? Butá inta inogoi i Kamos, dewamu tua, kon inimu in motaaubí umuran mobaḻí kapunyaan monimu. Tongá onu inta ain inogoi i Tuhan, Allah nami kon i nami, in umuranbí tahangon nami.

SAMUEL 1 12:8

Kon dodai in ki Yakub bo motoḷuadínea namangoi in Mesir, bo intau in Mesir nopororiga kon i monia, mogoguyangmu in nopoigum in totuḷung kon i Tuhan, bo ki Tuhan in nopotabá kon i Musa bo kon i Harun. Taya dua tua in nodia kon mogoguyang monimu iḻumuai nongkon Mesir bo notuḷung kon i monia nogutun notantú kon butá tanaa.