YOSUA 2:18 - Alkitab Singog In Mongondow Masa In Tanaa

¹⁸ Tongá naa in musti aidanmu. Aka kami bo monubudon kon butámu tanaa, yo popotogotdon in tontogot nopura tanaa kon jandela inta pinonuntunanmu kon inami tanaa. Ki amá bo ki inámu, ki utatmu mita bo bayongan in ginaḷum i amámu sipunmudon kon baḷoimu tanaa.

YOSUA 2:18 ပူးပေါင်းရင်းမြစ်များ

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.

KINOBAḺIAN 7:1

Bo ki Tuhanin noguman kon i Nuh. “Inontong-Kudon kon dongkadon iko tontaní in intau inta nogaid kon onu inta kinoibog-Ku. Dá, tuotdon kon bonu in uangga tatua in moiko motoḷuadí.

ESTER 8:6

Diábí mopia in ginaku in mokoontong kon bangusa bo ginaḷum motoḷuadíku in modait ḻimodon!”

IḶUAIAN 12:13

Dugú inta kon ḷoḻingkop in baḷoimu, tua in mobaḻí tomponuot kon baḷoi mita inta pinogutunanmu. Aka Akuoi mokoontong kon dugú tatua, moiko in taḻiban-Ku bo diábí yopúon-Ku kon dodai in Akuoi mohukum kon Mesir.

DONDONG MOḶANTUD 4:3

Kuḻit in bibigmu naonda bo pita nopura, bo mogaga in bibigmu. Putongimu naonda bo bungai in delima iḷosi, noibuni kon koḷubungmu.

IMAMAT 14:4

dá ki imang mopotabá kon inia modia kon ḷagapan doyowa inta kobia-biagpa inta diá haram, takin doman topongkó in kayu ḷokuyú, tali nopuya tobatú bo hisop totanga.

PINOGIAPAN 19:6

Moiduduimai kon tua ki imang musti mogamá kon kayu aras topiḻik, hisop totanga mointok bo tontogot nopura tobatú, bodongka pogambatnea kon tuḷú inta momayongmai kon sapi nopura tatua.

PINOGIAPAN 4:8

Musti daiton monia koḷoban in kuḻit nopuya tobatú, bodongka guntuḷan monia in kaeng moaḷus, bo poḷutudandon in kayu tombuḻigan in meja tatua.

LUKAS 19:9

Bo ki Yesus in noguman kon inia, “Singgaipa doman naa moiko motoḷuadí pinosaḷamat i Allah bo inogoian in kobiagan mobagu, sin iko nion in ki adíbí doman i Abraham.

OUMAN IN RASUL MITA 10:27

Koyogotpa mongonguman takin i Kornelius, ki Petrus in sinumuotdon kon baḷoi. Kon tua inontongneadon in nobayong intau in noyosipun.

OUMAN IN RASUL MITA 10:33

Tuamai baḷuku pinotabá in intau mayá mogoiní kon i Tuang. Bo namangoi domandon in ki Tuang takin pia in gina. Bo tanaa kami in noyosipundon kon tayowon i Allah sin mokidongog kon bayongan inta pinoki potaau i Allah kon i Tuang poguman kon inami.”

OUMAN IN RASUL MITA 11:14

Sin sia in mopotaau kon inimu in Habar Mopia inta mokosaḷamat kon inimu bo mokosaḷamat doman kon bayongan in ginaḷummu.’

TIMOTIUS 2 1:16

Táe tombonu in baḷoi i Onesiporus in umuran namangoi moposanang in ginaku, dá poigumonku mako ki Tuhan in tantú mobogoi in barakat kon i monia, sin umpakabí kon bonu in ponjara akuoi táe ki Onesiporus bo tombonu in baḷoinea tua in diábí mooyá in namangoi mokipodungkuḷ kon inakó.

IBRANI 9:19

Munapabí in ki Musa nopotaau in bayongan hukum i Allah kon intau mita in Israel. Onda intua sia nogamá kon dugú in ki adí in sapi bo dugú in bembé koḷakian bo binaukannea in tubig. Noiduduimai kon tua pinisikanneadon in Buk inta pinomaisan kon hukum mita inta nongkon i Allah bo bayongan intau in Israel. Sia in nomisik kon tua takin hisop bo bubuḷ in domba inta nopuya totok in batangannea.

YOSUA 2:21

Noibog in ki Rahab kon dodandian tatua bo inogoineadon in mosia minayá. Onda intua pinopotogotneadon in tontogot nopura tatua kon jandelanea.

YOSUA 6:23

Dá toimata doyowa tatua in minayádon, bo nodia kon i Rahab iḻumuai noyotakin i amá bo i inánea, i utatnea mita, bo ginaḷumnea mita ibanea. Komintan ginaḷum i Rahab takin bobantung mita monia in dinia iḻumuai minayá in tampat inta moaman kon diug in pinononḷoḷaigan in Israel.

YOSUA 6:25

Táe ki Rahab bobay sundaḷ tatua takin bayongan ginaḷumnea in pinomayádon mako i Yosua nobiag, sin sia in notuḷungdon kon toimatanea doyowa inta pinotabánea namangoi in Yerikho. (Dapot in singgai in naa buí i Rahab oyúonpabí in kon Israel.)