YOSUA 2:14 - Alkitab Singog In Mongondow Masa In Tanaa

¹⁴ Dá toimata doyowa tatua notubag, “Kami in modandidon kon aka ogoidon i Tuhan in butá tanaa kon i nami, kopiaanbí nami in pogogaid kon i monimu, asaḷ bo diá oumanonmu kon i ineka in kami naa. Kutukonbí i Tuhan in kami aka diá totuuon nami in dandi tatua.”

YOSUA 2:14 ပူးပေါင်းရင်းမြစ်များ

KINOBAḺIAN 24:49

Tanaa, aka moiko motabi bo oyúonpa in tanggung jawab monimu kon inia saḷaku ginaḷum monimu, dá potaaudon kon inakó; tongá aka diá, dá potaaubí doman kon inakó, sinbá kotaauanku mongo onupa in aidanku.”

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

SAMUEL 2 2:5

nopotabá in sia in totabánea minayá takin koyow, “Poigumon mako ki Tuhan momarakat kon i monimu, sin moiko in noponiatadon in kotoinduduimu kon i datumu sin noḷobong kon awaknea.

SAMUEL 2 2:6

Tuamai, igumon mako ki Tuhan mopoontong doman in tabi bo satia-Nea kon inimu. Mopiabí doman in pogogaidku kon i monimu sin aidmu tatua.

SAMUEL 2 9:1

Kon singgai tobatú noḻibó in ki Daud, “Oyúonpa degá in nobiag in intau nongkon motoḷuadí i Saul? Aka oyúonpa, yo akuoi in moibog mopoaid in mopia kon inia sin motuḻí kon aid mopia i Yonatan.”

DATU MITA IMITÁNEA 20:39

Naonda in ki datu noitaḻib, nabi tatua in nomaḷú kon inia, “Tuang datu Inta Momulia, kon tungkuḷ in akuoi moparangmai kon tampat popoparangan, tontara tobatú in nodia mangoi kon inakó in musung inta kinodomokan. Tontara tatua in noguman, ‘Ḷukadaipa in intau tanaa kopiaan. Aka moḷagui in sia, yo iko in musti ḻimodon ponoḻiu kon inia andeka mobogoi in doit saḷaka 3.000.’

AMSAL 14:22

Ki ine in momatuk kon inta mopia, yo pirisayaanbí bo horomaton; ki ine in monomayá kon inta moraat sia in moiḷaḻebí.

AMSAL 18:24

Oyúon in yobayat inta diá mosatia, oyúon doman in modagi-dagin nongkon utat.

MATIUS 5:7

Pia in kamang in intau inta mopia in gina; sin mosia i motarima doman kon kopopia i Allah.

OUMAN IN RASUL MITA 23:22

Bo itoi in tontara tatua nopotabá kon ede in tayowmobiag tatua nobui takin koyow, “Donaaibí pogumanmu kon i ineka kon soaḷ tanaa aindon pinogumanmu kon inakó.”

YOSUA 2:15

Baḷoi i Rahab naa pinosindog kon tudu in dinding in kotá, dá pinopoponagdon i Rahab in mosia pinongin jandela sinuntun kon tontogot.

YOSUA 6:17

Bayongan in kotá takin tombonunea musti daiton monimu payongon mobaḻí sosumba kon i Tuhan. Tongá ki Rahab, bobay sundaḷ takin ginaḷumnea in pomayádon mako in mobiag, sin sia in notuḷungdon kon toimata mita naton.

YOSUA 6:22

Bo kon intau doyowa inta ain nobaḻí toimata, ki Yosua noguman, “Bayádon kon baḷoi in bobay inta sundaḷ tatua, bo diádon in sia ḷumuai moyotakin in ginaḷumnea ná inta ain pinodandi monimu kon inia.”

YOSUA 6:25

Táe ki Rahab bobay sundaḷ tatua takin bayongan ginaḷumnea in pinomayádon mako i Yosua nobiag, sin sia in notuḷungdon kon toimatanea doyowa inta pinotabánea namangoi in Yerikho. (Dapot in singgai in naa buí i Rahab oyúonpabí in kon Israel.)

SAMUEL 1 20:8

Akuoi in mokituḷung kon inimu, sin kitada in nomiadon kon dodandian kon tayowon i Tuhan. Tongá aka akuoi in kotaḷá, yo ḻimodon in akuoi, táe dikabí in akuoi ogoimu kon i amámu.”