YOSUA 19:34 - Alkitab Singog In Mongondow Masa In Tanaa

³⁴ Nongkon tua botok in sigad in butá tatua nomurow ná toyopan kon Aznot-Tabor, bo nongkon tua nopobayá ná Hukok. Kon dotá in toḷatan, butá tanaa noyosigad in butá in Zebulon, kon dotá in toyopan noyosigad in Asyer, bo kon dotá in pomukaan noyosigad in Ongkag in Yordan.

YOSUA 19:34 ပူးပေါင်းရင်းမြစ်များ

ULANGAN 33:23

Bo kon suku i Naptali sia in noguman: “Naptali in inogoian in barakat mobarong bo tabi i Tuhan; butánea in nongkon Danow Galilea nodapot kon toḷatan.”

YOSUA 19:12

Botok sigad kon dotá in pomukaan pinangkoi nongkon Sarid nopobayá ná sigad in Khislot-Tabor, bo minayá ná Dobrat, bodongka notakod kon Yapia.

YOSUA 19:22

Sigad in butá monia tua noisigid kon Tabor, Sahazima, Bet-Semes, bo nopaḷuput kon Ongkag in Yordan. Butá monia tua in mopuḷú bo onom in kotá noitakin doman in ḻipú mita inta kon diugneamai.

YOSUA 19:33

Sigad in butá monia in pinangkoi nongkon Helep, nodapot kon pangkoi in ek kon Zaananim, bo minayá kon Adami-Nekeb, bo nopobayá ná Yabneel, nodapot kon Lakum, onda intua nopaḷuput kon Ongkag in Yordan.

YOSUA 19:35

Kotá mita inta oyúon in benteng in: Zidim, Zer, Hamat, Rakat, Kineret,