YOSUA 19:28 - Alkitab Singog In Mongondow Masa In Tanaa

²⁸ Ebron, Rehob, Hamon, bo Kana, nodapot kon Sidon.

YOSUA 19:28 ပူးပေါင်းရင်းမြစ်များ

KINOBAḺIAN 10:19

sahingga sigad mita in butá monia iḷumoben nongkon Sidon mopobayá in toḷatan kon Gerar, nodapot kon diug in Gaza, bo kon pomukaan mopobayá in Sodom, Gomora, Adma, bo Zeboim, dapot kon diug in Lasa.

SAMUEL 2 24:6

bo minayá doman in Gilead bo kon Kades kon butá in intau in Het. Kamungkinan mosia minayá in Dan, bo nongkon Dan mosia in nomurow ná dotá in toyopan, kon Sidon.

SAMUEL 2 24:7

Nongkon tua in mosia minayá ná toḷatan kon Tirus kotá inta oyúon in tampat poḷoḷukadan tua. Noiduduimai kon tua mosia minayá in bayongan kotá in intau in Hewi bo intau in Kanaan, bo imbuitnea in kon Bersyeba, kon dotá in toḷatan in Yohuda.

YESAYA 23:12

Guman i Tuhan, “Ei kotá in Sidon! Iko in diá bidon mobarasanang bui. Intaumu mita in dinorotan. Umpaka in mosia noḷagui minayá in Siprus, diábí in mosia moaman.” (

YESAYA 23:2

Pogamuidon, ei intau inta nogutun kon bingkí in dagat, mododagang mita in Sidon! Sin biasamai moiko in mopotabá kon intau mita mayá in ḷoḷan in dagat sin mopotaḷui bo motaḷui kon gandum in Mesir bo modagang takin bayongan in bangusa.

YESAYA 23:4

Ei kotá in Sidon, kahoromatanmu ain nobuḻi! Baḷangon inta modaḷom diádon akuonnea in iko, gumannea, “Akuoi in diápabí kon dodai in onda in nononggadí, diápa kon dodai in onda nomiag kon adí ḷoḷaki andeka bobay.”

YEHEZKIEL 28:21

“Ei intau ilo-ilow, kutukdon kotá in Sidon.

YOHANES 2:1

Doyowa nosinggai noiduduimai kon tua oyúon in pinonikaan kon kotá in Kana kon Galilea, bo ki iná i Yesus in kon tua doman.

YOHANES 2:11

Tuata in soaḷ mokoherang inta dungkuḷ totok inta pinomia i Yesus. Tua in pinomia-Nea kon Kana inta kon Galilea. Takin tanda tatua Sia in nopoontongdon in kawasa-Nea. Dá murí-Nea mita in nopirisayadon kon i-Nia.

YOHANES 4:46

Noiduduimai kon tua ki Yesus in buidon minayá in Kana inta kon Galilea, kotá inta pernadon pinomiaan-Nea kon inta mokoherang, “Tubig nobaḻí anggur.” Kon kotá tatua oyúon in tobatú pogawai kon komaḻig, dodai intua ki adínea in notakit kon Kapernaum.

OUMAN IN RASUL MITA 27:3

Naonda in nopoikoḷomaidon kon singgai, noiyaputdon in kami kon Sidon. Mopiabí totok in ki Yulius kon i Paulus. Inogoineabí in sia minaya-mayá mako mokipodungkuḷ kon yobayatnea mita sinbá ogoian monia onu in kaparaḷuannea.

YOSUA 11:8

Bo Israel in pinopountung i Tuhan nongkon i monia. Intau in Israel nonubu bo nondudur kon i monia nodapot in Misrepot-Maim bo Sidon kon dotá in utuan, bo nodapot in Ḷopá in Mizpa kon dotá in pomukaan. Pinoparangan diápa doman mooyong nodapot in diádon tobatúmai in musung in kinotaḻiban – nodaitdon minatoi.

HAKIM MITA 1:31

Intau mita inta nogutun kon kotá in Ako, Sidon, Ahlab, Akhzib, Helba, Apek, bo Rehob in diábí doman pinoguntun in suku Asyer.