YOSUA 19:22 - Alkitab Singog In Mongondow Masa In Tanaa

²² Sigad in butá monia tua noisigid kon Tabor, Sahazima, Bet-Semes, bo nopaḷuput kon Ongkag in Yordan. Butá monia tua in mopuḷú bo onom in kotá noitakin doman in ḻipú mita inta kon diugneamai.

YOSUA 19:22 ပူးပေါင်းရင်းမြစ်များ

TAWARIKH 1 6:62

Motoḷuadí mita kon inanakan i Gerson in nokouḻí kon 13 in ḻipú kon butá in suku i Isakhar, i Asyer, i Naptali, bo i Manasye inta kon Basan kon dotá in pomukaan kon Ongkag in Yordan.

TAWARIKH 1 6:77

Buí i Merari inta diápa nokouḻí kon butá, in nokouḻí kon ḻipú mita inta noiduduimai naa takin rawang mita in bonok kon diugneamai: Kon butá in Zebulon: Rimono bo Tabor.

MAZMUR 89:12

Ḷangit bo butá Iko in kitogi, dunia bo bayongan in tombonunea Iko in nomaḻí.

YEREMIA 46:18

Akuoi ki Allah inta nobiag, Akuoi in datu, Tuhan Inta Totok in mokawasa. Naonda bo Buḷud in Tabor noipantow kon sigad in buḷud mita, bo Buḷud in Karmel noipantow nongkon dagat, natuata in ropot i inta mamangoi monubu kon inimu.

YOSUA 19:12

Botok sigad kon dotá in pomukaan pinangkoi nongkon Sarid nopobayá ná sigad in Khislot-Tabor, bo minayá ná Dobrat, bodongka notakod kon Yapia.

YOSUA 19:21

Remet, En-Ganim, En-Hada bo Bet-Pazes.

YOSUA 19:23

Kotánea mita bo ḻipúnea tua in noiukat kon bonu in butá inta inogoi kon motoḷuadí mita kon bonu in suku i Isakhar sin mobaḻí kapunyaan monia.

YOSUA 19:38

Yiron, Migdal-El, Horem, Bet-Anat, bo Bet-Semes. Kobayong in butá monia tua in mopuḷú bo siow in kotá takin ḻipú mita inta kon diugneamai.

HAKIM MITA 4:12

Naonda in kinodongogan i Sisera kon ki Barak ain minayá in Buḷud in Tabor,

HAKIM MITA 4:6

Kon singgai tobatú nopotabá in sia kon intau nokioiní kon i Barak, adí i Abinoam, nongkon kotá in Kedes kon butá in Naptali. Bo sia in noguman kon i Barak, “Naa in parenta i Tuhan, Allah in Israel, kon inimu: ‘Sipundon in intau ḷoḷaki 10.000 nongkon suku Naptali bo Zebulon, bo diádon in mosia mayá in Buḷud in Tabor.